Mei Summertraam
Irgendwo in da Sunna lieg`n
An nix denga mög´n,
Net im Büro drin sitz´n,
net bei der Arbeit schwitz´n,
Faulenz´n derfa – nix doa.
Den warma Wind g´spürn an de nagad´n Boa,
De Vögl zuaschaun, wias fliang
Und de Woik´n, wias ziang,
D`Füaß ins Wasser neihänga,
Net scho wiedr ans Koidwerd´n denka,
Brotzeit macha unter´m schattig`n Baam –
Dös waar mei Summertraam.
( geschrieben vom Ludwig Gruber
alias Ponzauner Wigg. )
Ist für mich auch Heimat dieses Gedicht.