Plattdütske Eck

[Yishana]

Moin Mitnanner!

Ik doch, ik maak hier mol een plattdütske Eck open. Dat schient dat hier noch nich to gewen. 
Sünd dor noch annern, de ok Platt könen? Denn laat us doch mol hier 'n bitje schriewen. Ik funn dat heel moj, wenn sük dor
noch wekken finnen doon. 
Ik bün heel gespannt, well un wovöl Antworden dat nu gewen deit! 
Un nich bang wesen, sowat as 'Rechtschriewung' gifft dat up Platt ja nich! 

Lewe Gröten
Yish

[Mowi]

Ja, moin!

Ick kann ok en bettken platt, hier in huse kuert mien mann mit siene öllern platt.
Verstohen kann ick alles ,aber süms kuern do ick dat nich.Un schriewen is ja noch komplizierter!
Lot ju wat!
LG,Mowi

[Cashy]

Moin tohope,

ik denk mol, dat dat hier noch ne Menge annere Lüe giwt, dei platt snaken künnt.

Üm dat noch en beten to euben kann sick ein jeden jo mol dütt hier to gemöte doan.

"Science Fiction" op platt:

http://www.filmemoker.de/apparat1.php 

[Yishana]

Dat is ja moj, dat ji all schrewen hebbt!

Is ok stuur, dat to schriewen, auber ik verstoh jo gaud! 
Proten mach ik dat ok nich gern. Schriewen geiht beter. Göga secht immer, ik kunn heel moj proten un sall dat faukede mauken.
Man ik fööl mi dor nich wohl bi. Anschienend geiht jo dat nich vööl beter. 
Un dat is wiers von Dörp to Dörp vescheden. Jede hett 'n poor Worden, de heel anners sünd. Un man versteiht sük doch. 
Vööle Saken gifft dat ok up Platt, de man gor nich öffersetten kann.
Ik finn, dat is'n heel mojen Sprauk.
 
LG Yish

[ansabe]

Platt proaten do wi ok, aber of ik dat so schrieven kan is ne andere sake. Aber de Idee fing good.
We proat met de Familie, met en paar novers und met nen paar kollegen platt. bi de landfrouen is dat unterschedlig, met manche wal met andere nich. Be mi is oft dat problem, wenn ik in ne runde stoh und kik den an, met denn ik platt proat dann do ik automatisch platt proaten, aber wenn dor ene is wo met hochdütsch proat, dann kann ik ok in den Satz so wesseln und dat hört sich dann mongs all lustig an. Dor mod ik mongs ganz schön uppassen, dassge ne dauern wesseln do.
Mag good, up'n andermoul

[Luetten]

Ik find dat og vollkommen in ordnung, dat hier mol platt schrewen ward, also mien platt is bestimmt og nich richtig obwohl ik og een plattdütsche Rechtschriebbook heff .
LG Petra

[rosa]

....und ick schnack uck platt, over schriewen kann ick dat nich good.
Mi hett over mull eener segt, man kann plattdütsch schriewen, wie man will.

Plattdütsch to lesen finn ick over uck ganz schön schwor.Mutt man sick bald poor mull dörlesen, beför man dat richdi versteiht.

Schöne Ombd no
wünscht rosa

[Mowi]

Un dat is wiers von Dörp to Dörp vescheden. Jede hett 'n poor Worden, de heel anners sünd. Un man versteiht sük doch. 

Dat stimmt  Bi us in dörp hett de "Kirche" Kerke, aber wenn man dann fief km wieder kiek, dann hett dat dor Keike.Oder ne "Leiter", dor wett bi uns Ringse to segg, aber annerswo hett dat dann Ledder oder Biermte. Oder "Kühe" : wi segg Keue, aber nen paar Kilometer wieder hett de dann Keihe.  So ist dat un man wet dann doch,wat de annere mennt.
So, lot ju watt!
LG, Mowi

[Yishana]

Jau, dat is wiers spannend. Bi us is dat so mit 'Disch' un 'Tauwel'. Oder 'Fiss' un 'Fisch'.
Is hier denn ok well, de 'Drachseelen' un 'Miechhemkes' kennen deit? Oder anner 'richtige' Plattdütske Worden?

LG Yish

[landfrau2002]

Hallo jüm plattdütschen,
dat din ick je ne scheune Idee, dat wir dor ni fröher op komen sünd! Ick snack uk platt, Dithmarscher platt, man markt doch oft den Ünnerscheed. Mi wör mull interesseren, wo jüm denn so herkomt, is doch interessant, dat platt den totoordnen!!
Hartliche Gröt ut Dithmarschen vun de Nordseeküst - Maren

[Mowi]

Is hier denn ok well, de 'Drachseelen' un 'Miechhemkes' kennen deit?

Drachseelen kenn ick nicht, aber Miechhemkes dat bint doch Ameisen, oder?

[Yishana]

Ik kom ut dat Südliche Oostfreesland.

Ameisen - dat is richtich! 

Drachseelen bünt Hosenträger! -Tragseile- 

[rosa]

Hallo Irmtraud,
jo, ick kumm vunne Küst,bin ut Nordfriesland
Kann man datt " hörn " ?

Wohn over nich direkt ant water.


Hier bi uns ward veele Sten uck noch mit de Kinner platt schnackt.
Dat is over lang nich överall mehr so, oder?

Schöned Wuchenend
wünscht rosa

[Yishana]

Moiiin,

@nordlicht: Wat is den Katteker un Winnewupp? Mi seggt dat gor nix.
                Ammerland is gor nich so wiet wech van us...

Hier word ok vööl Platt prott, man bi de Kinner sücht dat all anners ut. In't Schkool versöken de dat noch an Gang to kriegen. Dat finn ik heel moj. Us Lüttje sall up jeden Fall Platt lehrn.

Lewe Gröten
Yish

[Cashy]

Wat is den Katteker un Winnewupp? Mi seggt dat gor nix.

Dat wat dat sülbe wäden as ein Katteikelten un een Winnewarp (oder 2 Dörper füdder "Mullewarp").