-
jetz fang grad ich, mit minere züri schnurre uf dialäkt a schriebe - villicht verstönd dänn die meischte was "gschieds" da drin staht -
mer seit ja - mir hebed e kän dialäkt, das seg eifach es mischmasch.. - aber ich glaube bi mir isch es nanig e so schlimm, ich chume imerhin us ere rächt wiit zrugg verfolgbare züriseeklicke (das isch aber nöd mundart, aber ich finde e käi anders wort !! >:() -
natürli isch min dialäkt e chli abgschliffe - über 30 jahr schaffhuuse - halbi schwabe wiemer seit - pst - säged's nöd wiiter - die im grosse kanton äne wämer ja nöd vertäube... - wänn's das überhaupt verstönd....
so - jetz sett i wider minere wösch go luege - mues hüt z'abig namal in uusgang - go schaffe....
mer händ turnfäscht - im nachberdorf - und die 2 verein händ de aalass zäme organisiert -
mir schaffed und die andere befeled...!!
-
Hallo Margrith,
dann wünsch i dir viel Spaß hüt obed
un id daß meinsch-i verstand di guet
wenn i au us Schwobe bin.......))))))))
liebe Grüeß an rande duure
Maria
-
hei maggie,
wenn da abgschliffe isch we du redsch wett ich jo mol ghöre wes original tönt.
für mich isch da immer no e reini zürischn.... ;D
nüüt für uuguet und en schöne obed
wünscht susanne
-
I red jo au kei reins bündnerdütsch. Es bitzeli aargauer, es birebitzeli berner und halt no igstrickts bündnerdütsch. Aargauer sägit i red bündnerisch und bündner säget "du kusch aber nit vo do"
Also am meiste müeh hani mit em baaslerdiitsch. Das ist hurebreit und träg. Debi hani emol en schatz gah vo basel :D aber de hät jo nit müesse rede nur küsse 8)
-
e wie isch das schön soviu schizerdialäkte, aber äs isch gar nid so ifach eso zschribe, wüu im mir angersch gwanet bi.
vori isch grad üse Jüngscht vor Jungschi hicho, Menschenskind wie dä usgseht, flotschnass u dräckversprützt, Chlider u Giu hani du grad id Wösch da, d.h. d Wösch id Maschine u dr Giu unger Dusche, jitz het är grad grüeft i müess cho dr Rügge fäge. A ja d Gummistifu si wasserdicht- ds Wasser isch innedrinne u cha nümm use, zum Glück het me hüt müesse aführe so wärde de die Stifu mit Zittige u Wärmi doch no troche.
U jitz hit Dir mis briittätschte Bärndütsch verstange???
Schöne Abe zäme
A ja Romy dÌdee vom Schwizerstammtisch isch eifach super, danke für dini Initiative.
-
Denn wöti gärn no öppis im Thurgauer Dieläkt schriibe.me seit,üsen Dieläk verstömm
überal.Aber,wüssed ihr,was e Züche isch,oder wa heisst überex.
Oder e Zaane voll Saapfe d Laatere derab schlaapfe.
Trudi
-
Oder e Zaane voll Saapfe d Laatere derab schlaapfe.
Trudi
e zaane voll saapfe d laatere ab schlaapfe - das seit me au de "schlaatemer" na - mine nachbere une am bach....
-
oh Trudi, so ganz aues verstani nid, o we mis Grosi isch ä Thurgouere gsi.
was sy de Saapfe oder was bedütet Züche?
-
Also, ich ha eiguntlich Mihä walliserdiitsch zschribu und derzeü no läsu. Vergäss, dass ...
Doch ich ka scho versüchu ä so z'schribu wi mähr Z'Mül gwachsu ischt.
Ich weiss, das D'Jungu vo hito gäru unnerand schizzerdiitsch schribund, doch ich has nie so richtig glährt.
Doch äs ischt ä güäti Sach emal dermit azfah.
-
Hallo Jacqueline,
bi zwor scho rächt alt, aber üseri schproch eignet sich guet zum dialekt schriibe, mir
hönd i de schuel scho so mitenand zädeli gschribe (und gedicht)
e zaane voll saapfe seit me im chläggi, be üs wärs blos e zeinle voll seife, aber wa isch
e Züche, Trudi??
grüessli susanne
-
Hallo Swisslady,
Züche isch e Schublade bi de Komode,oder au Zücheli bim Chuchichäschtli.
Und Saapfe sind Seife.
I wött aber no säge,das diä im undere Kanton,also bi Diessehofe scho rächt de Schaffuser-
dielekt agno händ. Und mir im obere Teil vom Kanton eigetli scho chli Sanggalered.
Trudi.
-
Was hani do ghört - es hett öpper Müehi mit em Baseldütsch! Romy villicht merksch, dass ich it vo Basel chumm, ä so anderscht als im Fricktal schwätz ich au it!
Mis Heimetdorf isch jo ganz vo Fricktalerdörfer umgeh!
Aber natürlig het mi neui Heimet auch scho abgfärbt - "it" säg i jetz ender sälte - do heisst das nid!
Ich bi au nid gwohnt, Dialäkt z'schribe, ämel nid in Briefe!
Bi Gedicht isch das wider öppis anders!
Uf jede Fall wirds däwäg eifacher, usezfinde, wohär jedes chunnt !
Hildy
-
Also hildy mir Aargauer redet doch kei baaslerdiitsch ;)
-
Sitzen ein Preuße, ein Schweizer und ein Schwabe im Zug.
Sagt der Schweizer zum Preußen: "San Zi scho mal in Züri xi?"
Der Preuße schaut den Schweizer nur verständnislos an.
Sagt der Schwabe: "Wissens,- der meint gewähä."
-
@ Maggie, wie gsehts bi öich us, hets wüescht ta letscht Nacht?
-
klasse eure mundart, ich verstehe nix! :D 8) ;D
lese es aber gerne, aber inhalt bleibt mir verborgen.
bitte weiter so! :-*
-
@ Maggie, wie gsehts bi öich us, hets wüescht ta letscht Nacht?
hallo swisslady,
bi eus isch es nöd schlimm gsi, aber une am dorf und schints i de stadt schaffhuuse, häts rächt grägnet und i de stadt und umgäbig händs sogar e kä strom gha -
und bi de maria k (südschwarzwald) - öppe 10 km luftlinie hät's schints au wüescht ta inkl. stromunderbruch
-
klasse eure mundart, ich verstehe nix! :D 8) ;D
lese es aber gerne, aber inhalt bleibt mir verborgen.
bitte weiter so! :-*
probiers e mal und lis luut .... - villicht gaht d'er dänn es liecht uuf....
-
Sali mitenand
En öschtliche Dialekt fählt no... 8) ;D 8)
Aber wie bi de Romy, isch er halt au echli verwässeret. Bi üs obe hets jetzt gad es öbersetzigsbuech ghe, Toggeburgerisch / Deutsch ;D 8)
Es isch wahnsinnig läschtig gad jetzt mit dem Wetter, mer hend geschter s erscht mol gmäht, und nattürli hets alles verschiffet, jetzt hemers ganz blöd höt, will mer hend erscht efang rundume agmäht, mit em Motormäher, geschter Nomitag bevor mer mit em Traktor hettet afange chönne, hets scho weder gregenet. S Blödscht a dere ganze Aglegeheit isch glaub, dass es nur Strichwis regnet. Aber am Obig isches denn doch schwizwit gsi, und denn no wie.
Hüt isches scho weder total bedeckt, wohrschinli gots nüme lang und es chunnt weder. Mer wösset nöd wa mer jetzt gnau müend tue :-[ söllet mer fertig mähe,tütsch gseit in Schiff use? Oder söllet mers hocke lo und bis em Sunntig hoffe? Denn hetter ganz es bitz besser. Oder söllet mer ussedöre madne und es paar schlämi Balle mache? Tja...
I lo eui dennoch herzli grüesse esther
-
Hallo Esther,
üs gohts ähnlich wie euch.Mir händ üse Heugras no schto, cirka nü Hektar,denebe könt mor scho de zweit Schnitt nä.
Gmait häm er no nit,wiils au jede Tag gwitteret,geschtern wareds aber nu drei Liter.
Jetzt grad ischs ziemlich schwül,han grad de Rase gmait,bin gnaz schö ins Schwitze ko. ;D ;D
Ich wünsch üs alle ä bschdändigeres Wetter ;) ;) ;)
Des isch jetzt allemannisch,wie mers an de Schwiezer Grenz noch schwätzt.(Aber schwätze un schriiebe -des sien zwei paar Stiefel.)
Liebe Grüeß
Maria
-
Händ doch geduld. De tat (SV) hätt gseit: Im Juni meuss es jede tag regne und wenn de juni 31 tag hätti, müessts denn au no regne.
bi eus het au eine nit möge warte, de hät gestert gmäit. Jetzt isch alles plötschnass. Zum Glück hämer müesse go wurschte ud thusis. De riet isch nämlich scho ganz gigerig ufs mähie, er stoht scho richtig i de startlöcher, mueschen fascht abinde
-
So, jetz hami duregläse und wott mi Sänf au no derzue gä. I findes ganz toll, was me do so liist. Aui die verschiedene Dialäkt... isch ganz interessant. Für mi isch es au nit ganz eifach mundart z'schriebe, vertippe mit bständig.
Mi Maa het am Mäntig 13ha gmeit und hets prima breicht. Am Mittwuch hei mir denn siliert, me isch chum is schwitze cho, will sich d'Sunne zrugg ghalte het. Hüt Zobe hets bi üs au grägnet, aber i gmässigtem Rame. Morn hei mir Papiersammlig und i ha vori gseh, woni mi Bueb ha müesse go hole, dass scho Zytige dusse si und natürlich voll nass. Das wird denn wohl schwär wärde für die Ching.
Jetz wünsche allne es schöns Wuchenändi
@ Esther lueg mol in LOKALPROGNOSE d'Wättervorhärsag aa, vilicht erliechterets Dir d'Entscheidig wägem mäie.
LG Helen
-
ja hüür müänd mir z`höi richtig erstelä..
hüt hät mä jetzt mih chännä meiä, mal luägä wies morä usgseht.
das wo mer hüt inä tuä händ, das hets geschtär und vorgeschtär schu ächlei gwäschä..
mir händ öppis mösä riskierä, will zhöi isch schu zimli riif..und är het wiiterhi kei richtigä schon. ei bletz nachem anderä (au äso wirds herbscht :) )
ei teil hämmär ballnät, abär jetzt chämät dä diä steilä pörter dra.
der lanzig isch vil ztrochä gsi, düfür wachsts ietzt wenigschtens schü aa.
(gar nüd so eifach mundart s`schribä , vor alläm wil ich eigätli äs gmisch redä)
-
gsiliert hi mir am mittwuch, ghöiet hi mir no nüt, mir tüe derfür z höigras fuettere, bi üs wachst es ganz schlächt nache, mir wüsse nid obs wäge der tröcheni isch blibe hocke u jitz aue Räge nüt gnützt het.
Miner Manne tüe hüt dä Hüener nöii Sitzstangene montiere und de no grad de Hüenerlüs dr garaus mache.
gchochet het üsi eutischti, drum chani grad echli da schribe.
-
Susanna, wie alt isch denn dini Öutischti? Chochets sie öppe die? Mi Eltischt isch 14 und i ha ihn no gar nie elei es Menu lo choche, derbi het är Chochschuel. Är het scho öppe die kochet, aber halt nume mir ghulfe. isch mi Fähler.
LG Helen
-
Tschou Helen, sie isch sächzäni, u chochet jede Samschtig auso we sie da isch, weisch Helen es git drum dass sie lehrt wie me chochet, ir Chochschueu hei sie, ... ja i ha mi da mängisch richtig gergeret.....zum Bispiu hi sie müesse Creme ohni Maizena müesse choche, mir hi dahime güebt, entweder isch es Sosse worde oder düregheit. Aebe u ir Schueu het die Lehrere müesse zuegäh sie chönn das ja o nid.... so Bireweich...! Handcherum hi si de ume us haubfertigem gchochet.
übrigens hani ono ä vierzähjährige wo jitz de id Chochschueu mues... är het bis jitze o no nie gchochet u häufe wott är o meischtens nume weni bache ume de cha d Schüssle usschläcke ;) ;)
-
Hoi zeme,
bi üüs häts geschter ghaglet, nid eso gar au fescht, aber es mais sieht rächt verschlänzt us.
zum glück hömmer am letschte mentig scho de 2. Schnitt gsiliert, etz warted mer nu no uf's
öko-glumpp, aber im moment rägelets scho wider chli.
en schöne obed no
Susanne
-
Gestert simer bis am 8 uf de Wies gesii. Sagliaz isch no gmüetlich, will ich, sobald ich fertig bin zwüsche de Made z reche, nume no mues warte bis sie kömmet ko lade. Und bim siliere gohts immer e kli länger, will sie müend durchs Gebläse ablade. Ich han den agfange mis händy usprobiere - ich ha drum es neus. Do kamer super föteli mache, han sogar probiert mit em selbstuslöser und sie laufend änere frundin gschickt, die hät sich fast en krampf glacht. Mir sind immer am zickle will ich de besser bachofe ha als sie. Jetzt hani au no s bessere händy ;D
Woni hei ko bin, hät d Sonja Huber, d frau vom Altregierigsrot Klaus Huber aglüte. Sie hätt mer numme emol wölle säge, dass sie mini Kolumne im Bündner Bauer usuper findi, sie und de Klaus finde immer ganz toll. Do bin i scho es bitzeli gschmeichlet gsii. Söttigi Kompliment tüend eim scho guet
-
Hallo Esther
Säg - bisch bim Brunner sim fäst au gsii
-
Sali Romy
Ich nöd nei, aber de Dädi... ;D de Melch, sorry. es isch glaub sehr amusant gsi. ich han gad jetzt mini Müe mit all dene Obrigkeiten... bi weder emol am kämpfe. Sie hend mer nemli mis Beizli zue tue.... :'(
Es isch unglaublich, i han wölle legal werde und han alles deför tue, sprich han Gsuech igeh usw. Ich schitere am Gäste WC. I chan jo nöd zaubere und mi nullkommaplötzli ad Kanalisation aschlüsse, het mer gmaint, dass mer miteme Ueberbrückigsgsuech för e Chemie Wc döre chöm.... chasch gad vergesse. AFU ARA Kanton und Gmeind stritet mitenand, mit mer hends gär nüme gredt sondern eifach gad zue tue.
I gibe aber nöd gad uf, i hans zu minere politische Ufgob gmacht ( eigentli scho vorher) under anderem hani mit em Toni gredt bi mit de Schuel z Salez am verhandle, übrigens sind s die, womer de Weg ufzeiget hend, wieni söll vorgo, und jetzt eigentli id Schissi gritte hend... Es isch underzwöschet es Politikum drus worde, wills nöd nu mer so got. Abem September 07 ( wenn Gott will) hemer s Ruumplanigsgsetz, gemäss Bund chan denn jede Puur wirte.... lach, vorusgsetzt mer chan d aforderige erfülle... ??? das heisst es wur schochli meh Kulanz bruche vo Gmeind und vor allem vom Kanto... echli konfus gschrebe? i weiss scho, aber so siehts bi mer au us, momentan. Es isch au echli min Lebestraum gsi, drum hani au wölle alls recht mache... :'(
Grüessli esther
-
Scheisse Esther! Do muesch aber nit ufgä. Ich weiss wie das isch, womer de neu stall händ wölle baue, grad hinter de chile. Do hät gmeind ganz schnell e umzonig gmacht. De ganz platz isch den grüenzone gsi. Sogar e büri hät gseit: die söllet witer hindere, es paar rechti schuh den isch de wäg scho zumuetbar. De Tat (SV) hät sich johrelang ufgopfered für gmeind. X-johre isch er gemeindepräsident gsii ehrenamtlich. Wo de bau vom neue stall abglehnt worde isch, ischer ufgstande und zum gmeindsaal us, so enttüscht isch er gsii.
Längt den es ToiToi nit? Lauft bi euch no alles in güllekaste? Also bi eus in Preda häts jo es hotel. Dört lauft no alles in bach. Es isch zum devo laufe, bi jedem Maiensäss wird e ugschrei gmacht, aber bim hotel isch alles ruhig. Aber er isch au lang in gmeindrot gsesse.
hoffentlich kund das no guet. Nit ufgäh du muess dene so richtig uf de geist go, immer wieder dirre bis es ihne verleidet und endlich nohgänd.
-
Soli,
auch ich lese hier ein bisschen mit, auch wenn ich aus Norddeutschland komme. Das meiste versteh ich auch, oder kann es mir zumindest herleiten, aber hier muss ich passen:
grad hinter de chile.
wo wolltet ihr bauen?
Liebe Grüße,
Milu
-
@ milu
hinter der kirche
-
Hallo Esther
i dänke mängisch, dass, wenn me korrekt vor goht, i dim Fall mit allne Mäldige usw., me derfür gstroft wird. Chönnt jo fascht heisse, dass wenn me eifach mol öpps macht, me denn so lang witer macht, bis me verwütscht wird. Uf all Fäll, mache das vili so.
I wünsche Dir ämmel viel Durchhaltevermöge.
LG Helen
-
hoi zeme,
hönder hüt au so heiss gha?? ich ha möse maisrähmli go ufhenke - boaah - mich häts schier überschtellt.
aber hüt obed gsehts scho wieder noch gwitter us. es het vorig scho tunderet.
hoffetlich chunts nid zwüescht.
en schöne obed no - susanne
-
esther, ich ha etz grad din biitrag gläse wägem beizli. bi üs usse isches au nid besser, z'Ramse het eine wele so
e besebeiz mache aber am schluss hät er ufgeh, es isch em schlicht und eifach z'blöd worde. weisch mengmol
denki es wär gschider (wenn au nik korrekter) weme eifach miech und wür warte bis sis merked. denn chönd's
zerscht emol tüüf schnufe und luege was am alle wend für uflage mache. letscht endlich isch es jo vilmol blos
de fueterniid vo z.b. de beizer wo finded wenn si möied denn söle di andere au. ich wünsch der vil glück und eifach
solang zwängele bis ene verleidet.
wünsch der trotzdem en schöne obed - züsi
-
so jetz muess i na under t'duschi -
am 4 chömed turner vo frauefäld hei und dänn git's na es bombe fäscht -hoffentlich.....
zum glück chömeds eso früe, dänn sinds villicht na asprächbar (bös bi - aber ich käne die kärli (männlein und weiblein ;) ;) !!!)
-
Ja ihr Liebe...
Es isch hert, geschter sind gad en Hufe bi üs am us döre glaufe.... Mer sieht jo all no, dass nebis het, d Frisco Fähnli nimmi nemli nöd abe, aber sös döri gär nüt, drum laufets au döre, sie lueget zrugg stönd here disskutieret laufet es paar Schritt witer und lueget nomel zrugg. Scheibenkleister, weni Tafle " Heute offen" chönt here stelle, wäri voll beschäftiget gsi.... :'(
Jä nu, i bi am luege, han aber no nöd recht Zit gha, es muess nemli nebis go und zwor Gsamtschwizerisch. I bi am Brief schriebe, und irgendwenn, glangi mit dem au a eui... I hoffe denn uf Mithilf und zwar för alli Puure nöd nur för üs.... Es chan nöd si, dass di einte Aemter en hufe Gelder gsproche öberchön ( Agrotourismus) di mit dene Gelder schaffet und anderi Aemter machet nöd mit, und alles verpuffet im Nirgendwo...
Also weni denn mol parat bi, glangi a eui....
Grüessli esther
-
was gänds den füren Grund a, dass Toi Tois nit gönnt? Begriff ich echt nit. Du muesch säge, dass es jo nu saisonal isch. Du muesch doch s gliche rächt ha wie alli andere do. Jedes fest hät jo so Toi Tois und die sind au super und hygienisch. So öpis kann eim grüen und blau ärgere >:(
-
Sali Romy
Es isch so nebis vo konfus, das glaubsch gär nöd, wäri en Alpbetrieb wärs eifacher. S Toi Toi erlaubets mer nöd wills dusse mösst here gstellt werde. Säge tüends jetzt es sig will alles zäme chöm, aber es chunnt halt alles zäme wills um das Wc und fremd Bschütti got. Wenn mol irgend wer jo gseit het, isch glich wos agfange hettet, wärs nu halb so schlimm. ich het jo im Hus sogär 2 WC chönnts scho umfunktioniere zumene Gästewc, denn chunnt aber weder, dass mer nöd ade Kanalisation sind, und das isch no fascht massiver, Fremdbschütti döri nöd ha i mim Betrieb. Denn hend mers Gaschwirtschaftspatent nöd geh, willi d Aforderige nöd erfülle, chani nöd willi keis WC oder kein Kanalisationsaschluss han. I han d Umnutzig igeh för de Schopf, hani nöd öbercho au usem gliche Grund, und willi die Umnutzig nöd öbercho han, hani mitem Lebesmittler au no Puff öberecho, willi jo het sölle im Schopf umewürge, sprich Doppeltrog laufend Wasser ( heiss und chalt) ...isch eifach alles ein Trüller und ei Spirale. Jä nu, es isch eifach scho so, dass mer jetzt muess luege, dass das mol irgendwo hört. Will uf das Rumplanigsgsetz here hets weleweg nomenge wo meint sig ganz eifach, irgendöppis azfange ;)
Grüessli esther
-
ich fröge namal na -
also will ir e kä kanalisation händ, törfed e kä fremdi go "brünzle" bi eu... - sind dänn die da z'sangalle ob ganz vo allne guete geischter verlah... ???
jetz sett mer für e bäsebeiz e chliklärgrueb iirichte - oder am netz aaschlüse, nimmt mich aber scho wunder öb das im kanton schaffhuuse au so ghandhabt wird - ???
da weiss ich nämli vo 2 betrieb mit bäsebeiz wo sicher nöd a de kanalisation sind - det gaht sicher au alles is gülleloch.... - und alpbetrieb hämer ja im kanton schaffhuse nur eine und die händ e rächti beiz und sicher e klärgrueb... - aber das isch öppis anders.....
also wänt hilf bruchsch - ich understütz di ganz sicher - und wämer die müend mit briefe bombardiere....
immer heisst's - sind inovativ - sueched nischeprodukt - und wänt nöd wotsch en huufe gäld dri stecke - dänn chasch es vergässe...
vill glück esther -....
-
maggie, mach de no ka illusione - be üs sinds nid besser!
drum nomol - nid zvil frooge - eifach mache, drufacholoo und wenn'd schwein häsch märkeds es lang nid.
grüessli züsi
-
Das mit de Frömdpschudig isch glaub ich Schwiizwit. Du darfsch kei Pschütig vo Frömde uf d Wiese tue. Alli äussi Maiensäss wo e Pschütigrueb händ, müend abgsugt werde und den in Kläralag gfühert werde.
-
Ja smile Romy
genau so isches.... öppe amene Ort weret d Auge eifach meh zue tue als amene aneder Ort....
Denn chunnt dezue, das d Aras nöd öberall glich reagieret, öppe e Ara nimmt Bschütti a öppe eini halt nöd. Döt glaubi müemer jetzt asetze, drum sägi, es chan nöd si, dass weg so Sache üsi inovative Landwirt igschränkt weret. Ebe nöd nu i, sondern vieli anderi au... das git mol es Riese Puff, wenns das Rumplanigsgsetz umsetzet.... vor allem, s Gsetz isch jo zerscht, d Verordnige dezue weret jo jetzt denn erscht gstaltet, und do muemer jetzt luege dass öppis got.Denket an all die Alphütte usw.
Usserdem, s Gwerb und Gaschtro müend jo viel meh Angscht ha, wenn wörkli gilt was jetzt amene Ort stoht.... Jedi Besebeiz "muess" ad Kanalisation.... di abglegne Höf und ebe au Alpe sind s gwohnli nöd, also isches eher i Zivilisationsnöchi eso, sprich, Konkurrenz wert doch so viel grösser.... di abglegne störret doch viel weniger und weret jetzt eso am meischte ploget... und halt, es chunnt druf a wers isch und womer wohnt... chas nöd si ? oder?
Grüesli esther
-
haaloo,
me liest so nüüt me i de schwizerbox. :'( sinder alli am heue oder ernte??
be üs rägnets scho wider - s'isch wider mol churz schöö gsi, aber di halb arbet für d'chatz. alles gmädlet aber
bloss d'helfti chöne presse.
en schöne obed mitenand
susanne
-
Ich ha mi grad duregläse, will i sitt fasch emene Monet nümme ine gluegt ha! Bi eus isch jetz Chirsigünne agseit, und denn bini z'Obe so müed gsi, dass i nümm ha möge surfe.
Dir arme mit Euchem Heu - bi eus isch wenigschtens das dinne! Aber au der zweut Schnitt wird alt und ölter bi däm Wätter und d'Weide settä auch einisch gmeit wärde. Ich dänk, inere Wuche hei mer eusi Chirsi dunde, so cha mä wider einisch öppis anders tue! Ha hüt zwar gseh, dass scho die erschte Ersinger Zwätschge blau wärde - hilfe, d'Natur tribt is hür vo eim Wärk ins ander!
Hildy
@Esther Ha letschte Samschtig der Toni Brunner troffe an der Delegierteversammlig und ha ihm ä Gruess an Di mitgeh! Das mit Dim Beizli tuet mer leid - aber gib nid uf, gang eis ums ander a, ich weiss, dass Du das schaffsch! HH
-
Da ich nit guet walliser ditsch schribi ka, kopier ich eib a räd vo ischum Staatsrat Jean-Michel Cina, forherigu Nationalrat in Bäru.
Aes ischt a Räd uber Friwiliguarbeit und ka hie intersannt si zum läsu in minum walliser Daläkt.
Uf der HP vo http://www.jm-cina.ch/de/
Freiwilligenarbeit
Liäbi friiwilligi Helferinne und Helfer
Gschätzte Beat
Z’ersch wellti ich mich bidanku. Dank isch nimme selbstverständli und trotzdem heisst’s, dass Dank als Gidächnis vo ischum Herzu isch soll dra erinneru, Merci szägu. In dischum Sinn wällti ich fär di Iladdig danku und vorallum eiw allu wa eiw zganz Jahr unentgeltli fer andri Liit isetzet.
Das Jahr vo de Friwilligu va im Dezember 2000 schinä Startschuss het cha, het nit mäh va drii Zieli:
- ds Sichtbarmachu va der friwilligu Arbeit
- ds Kämpfu fer ä besseri Anerkennig und Wertschätzig
- ds Diskutieru vo allu offunu Frage
An dänu Ziel will oi ich mich kurz orientieru:
Sichtbarmachu lat schich die friwilligi Arbeit am beschtu anhand vo Zahle – ier heit schi veli scho chert – 41 % Prozent der in der Schwiiz wohnhaftu Bivölkeri leischtut friwilligi Arbeit, 50 Prozent vo du Hüssfroiwe leischtunt unentgeltliche Arbeite fer Persone üs andru Hüshaltige – im Jahr 1997 het die gsamti Friwilliguarbeit 19.4 Milliarde Franku üsgmacht. Das sind biidruckundi Zahle. Mu cha hitu fescht haltu, dass ohni friwillige Arbeit und damit ohni eiwers Engagement in ä hüffu gsellschaftlichu Bireich nimme vil würdi loifu.
Kämpfu fer ä besseri Anerkennig lat schich eiguntli damit bigründu, dass der va friwilligi Arbeit leischtut, zumindescht Aspruch ufs äs Merci und än Anerkennig muess ha. Ich biglückwünschu der Beat, dass er die Idee cha und umgsetzt und där hitig Namittag organisiert het. Durch das Jahr der friwilligu Arbeit isch aber oi die Politik uf die üsserordentlichu Leischtige üfmerksam wordu. Verschieduni Vorstess sind gmacht wordu. Ich gibunä nur kurz zwei Bispili:
- Motion va der Chiara Simoneschi, CVP-Nationalräti üs um Tessin, va verlangt het, dass die Erfahrige, das Wissu und die Fertigkeite im Zsämmuhang mit der friwilligu Arbeit bi der Aschtellig in der Bundesverwaltig oi anerchennt, üfgwertut und z’biurteilu sigi.
- Poschtulat vo der a Minderheit vo der nationalrätlichu Kommission über Wirtschaft und Abgabu wa verlangt, dass der Bundesrat gesetzlichi Möglichkeit prüft, wie mu Üfwendige fer friwilligi Arbeit von du Stiere chännti abzsie.
Diskutieru va offunu Frage. Hie hetmi eiguntli än Vorfall üfgrüttlut. Ä friwilligi Helferi in der Alterspfleg het immanu Gspräch mit der altNR Judith Stamm, Präsidenti vom Forum fer d Friwilliguarbeit in der Schwiz erklärt schi würdi „ihru Schützling“ füttru. Das widerum het dä Fröuw Stamm zu folgunder Erklärig biwogu:
Das Bispil zeigt, dass mu oi in är Friwilliguarbeit müess uber heikli Theme und problematischi Verhaltunswise redu. Das mu oi in der Friwilliguarbeit sich ständig mit der Art und Wies vom Helfu müess üsandersetzu.
Schliessu wellti ich mini churzi Ansprach mit dumuna Zitat vom Albert Schweitzer:
„Die dankbaren Menschen geben den anderen Kraft zum Guten.
Ich danku eiw fer eiwe Isatz und hoffu eiw damit die Kraft z’geh, dass ier oi in Zuekunft ds Güetu tiet.
Merci fer eiwi Üfmerksamkeit.
-
Man mich hät d häx verwütscht. ich cha mi chum bewege. Alles tut weh. Anschienend isch smer in letschter ziit zwoll gsi
-
gueti Besserig Romy, aber was isch o los i ha scho lang Rüggeweh u mi Ma hets hüt im Waud därewä verwütscht das är chum me cha grad stah!
-
Ich glaub das isch au das ewigi kalt und heisse Wetter, das uf und ab tuet nit guet. D Freya hät gseit du muesch Aconitum kügeli neh und Rhus Tox. Und Arnikaoel iribe das tuet au guet
-
äs isch e Seich, hie gö Ibrächer ume, letscht Nacht isch bi der Bude vo mim Vater u mim Brüetsch i broche worde, dä vor Polizei het gsit äs sige Profis gsy. Uese Hung het schinbar ta wine verruckte i has nid ghört, aber my Vater u dä isch nid ga luege, villicht besser so, süsch würd är hüt villicht fähle. Hingernache weni mir vorsteue paar Meter näbe mim Bett het eine dr Tresor usgrumt..... :o :o Vor ungfär dreine Wuche isch o hie im Ort am Landmaschinehändler ibroche worde und i däm Quartier no angerne o. Im Tau näbedrann isch vor zwo Wuche emen Chund vo dere Bude da ibroche worde.
-
Das sind meistens so Bandine. Bi eus chömet sie au immer wieder und verschwindet ohni spure hinterloh. Wenn Gras über alles gwachse isch, schlönds erneut zu
-
i fühle mi nit ganz wohl, wenn i dra dänke, dass das jo au bi üs chönnti gsi si mit däm Ibruch. Verwütscht hei si wohl no niemer oder?
Aber jetz öppis erfreulechers: Am Samschtig gö mi Göga und i as Tatoo. I freu mi riesig und hoffe, i wirde nit entüscht.
LG Helen
-
So ihr Lieben Schweizer - hab mal ne Frage an Euch,denn ich als Auslandschweizer weiss da nicht immer alles so genau 8)
Habe immer angenommen, dass "Zecke" das hochdeutsche Wort ist und "Holzbock" das schweizerdeutsche für das gleiche Insekt. Nur hat mir jetzt eine Thurgauer Kollegin erzählt dass sie schon ein paar mal darauf angesprochen worden ist (von Schweizern!)was denn ein Holzbock ist ??? Wie sagt ihr in den verschiedenen Kantonen Zecke oder Holzbock?
(http://www.agrar.de/smileys/blume.gif) Sonja
-
Wir haben von Kindheit an immer Holzbock gesagt (erst später Zecke ) so war ich immer der Meinung Holzbock ist ein Hegauerdialekt.
Nun habe ich das gefunden:
Holzbock
Ixodes ricinus
Der zu den Zecken gehörende Holzbock (Ixodes ricinus) ist ein weit verbreiteter Hygieneschädling, der eine Reihe von gefährlichen Infektionskrankheiten auf den Menschen übertragen kann. Er tritt als Blutsaugender Parasit an Wild- und Haustieren, sowie beim Menschen auf.
Demnach ist Holzbock der Name einer Zeckenart.
-
ich hab bis jetz au immer gmeint das sei s'glich...
es git aber efang en hufe wörter wo "eingehochdeutscht" werded...
so isch es sicher bi de meischte - bin eus hät mer frühner au holzbock gseit - aber da z'schaffhuuse hani immer nur zecke ghört - also sind d' hegauer na meh schwiizer als d'schaffhuuser....!!!!
e wiiters bispiel sind d'johannisbeeri -mir händ immer "trübli" - gseit,das g'hört mer scho gar nüme, nur na joh'beeri -
und die schwarze händ - schw. trübli - gheisse und hüt g'hört mer nu na"cassis"...
meh chunnt mer im momänt nöd grad in sinn
aber das ghört halt eifach zum wandel vo der sprach....tänk ich
-
Vielen Dank Walpurga - bin wieder um etwas schlauer geworden ;D
Und was das "eingehochdeutscht" an geht, weiss ich noch ein paar Beispieke mehr:
Im Schweizerdeutschen ist "riechen" und "schmecken" dasselbe, also wenn z.B. irgendwas in der Luft riecht sagen wir im hochdeutschen "Das riecht komisch", während im schweizerdeutschen es "Das schmeckt komisch" genannt wird.
"Schmecken" im hochdeutschen geht nur wenn man etwas isst, und es halt komisch schmeckt oder so.
Kenne einige Deutsche, die am Anfang in der Schweiz mit dem "komisch Schmecken" gar nicht kapiert haben, wovon die Schweizer gerade reden ,wo sie doch gar nicht am Essen sind ??? ;)
-
hallo maggie
apropos zecke/holzbock
also ich weiss jo nid wo du do härgrote bisch i dem rande hinne, be üüs hät me immer holzbock gseit, ich kenne nüt
anders.
und zum andere schmöcke isch riechen, da gsehsch du richtig sonja, aber wenn öppis zum ässe guet isch seit
me be üs nid es schmeckt sondern schlicht es isch guet oder ich ha da gärn!
grüessli susanne
-
guete n'abig mitenand,
ich han au no es biispiil zu eme iighochdüütschte wort.
mini muetter hät mit üüs immer gschumpfe wän mir schmätterling gseit händ. me sägi doch summervogel!!
si hät jo rächt gha. wäni hüt die änglische wörter gsee im schwiizertüütsch, das findi schaad
oder fröged emol öper, was en pfnüsel isch. es säged doch alli vercheltig
en schöne abig
Katrin
-
Nei nei Schmetterling heisst plitschaplatscha :D :D :D uf romanisch ;)
-
Nei, Schmetterling heisst Pfifouter uf Bärndütsch ;) ;)
u wägem Ibruch, hei sy scho a bande verwütscht het me ghört, aber mir wüsse no nid öb es die Glyche sy.
-
hallo katrin,
me merkt halt da dini mueter en andere dialekt redt als d'begginger, im schafusische heisseds halt eifach schlicht
schmetterling. aber schliesslich woned mer au rechts vom rii und schwöbeled echli!
gruss susanne
-
Ich weiss noch mehr:
schweizerdeutsch:"Die haben aber einen ganz schönen Bock geschossen!"
hochdeutsch:"Die haben aber einen ganz schönen Mist gebaut!"
schweizerdeutsch:"Heb Dir Sorge!"
hochdeutsch:"Pass auf Dich auf!"
schweizerdeutsch:"Das nimmt mich wunder!"
hochdeutsch:"Das würde mich interissieren!"
(Tut mir leid aber ich kann leider kein schweizerdeutsch schreiben, drum hab ich die Sätze halt "verhochdeutschen" müssen ;) )
-
Ich ha au gärn "Schmätterling", aber die heisse bi eus Summervögeli!
Hildy
-
(http://www.varen.ch/graphics/foto/130x280/schmetterling.jpg)
Bi isch heissud die:
Pfyfoltru
-
das ist aber nicht nett jacqueline -
da kann frau das wort so schon fast nicht buchstabieren und du lässt es noch
über die seite sausen
-
das ist aber nicht nett jacqueline -
da kann frau das wort so schon fast nicht buchstabieren und du lässt es noch
über die seite sausen
Das hat sie bestimmt mit Absicht gemacht!!!! ;) ;D
-
das vermuet ich au.... :o
-
hmmm... ich cha das nit, wie machsch das ???
-
hallo romy,
ich ha das vorher au na nie gmacht -
aber wänn du schriebsch hätts doch obe dra die verschidene fäldli - und bi eim hätts es -m- drin wo "furtlauft"* -
du kliksch säb aa... jetz stat 2 mal move und zwüsched inne - jedes isch ja inere eggige chlamere - det schriebsch din täxt ine wo sich muess bewege...
probiers - ...
-
Also,
ihr machet Sache :D :D :D
do wirds eim jo ganz schwindlig...))))) ;D ;D ;D
Liebe Grüeß
Maria
-
hallo und grüezi mit anand,
ihr seids ja a luschtige gruppe .
des is zwar für mi a blissle schwierig zum lesn aber i verschdee des schon au.
machts weiter so.
grüße ind schwiiz ausm süden von bayrisch schwaben.
da stauda bua
-
salü...wie heißt das auf schwyzerdütsch, wenn er/sie/es etwas hat runterfallen lassen ???
obalagola ??? ( lacht ja nicht ! so hat es sich für meine Ohren angehört ) ;D ;D
Grüß' Dich stauda bua, willkommen im BT :)
-
meuchmauchterli ..... ??? ( werde gerne warten, bis jemand aus Bern das übersetzt ) 8) 8) 8)
-
Sali Freya :D
das isch weder i jedem Dialekt anderscht. Mer säget giiiihe lo oder abegiiiehe . abegehiet abegeheit, (immer i e aussprechen)
So wiets Du verstande hesch isches weleweg obenabegheielo... Von oben runter fallen lassen ;)
-
miuchmäuchterli heisst das bei uns. Aber dr Kanton Bärn het verschideni Dialäkte. Aes cha o müuchmäuchterli heisse.
-
Hoi zäme !
I übechume de öppe vögu, bi üs schiffets wider was abemah! das isch doch zum hooröu seiche ! ....
::)
Es Grüessli Rosy
-
he hallo rosy das tönt ja ganz nach bärnbiet, auso öschtlecher weder ig, bi üs tüe mer haaröu seiche unid hooröu.
-
jo das isch eso. mir si äbe im oberaagou. mir tüe o schloofe, u deu drinke müuch u hei völo. ;D
-
hallo esther,
häsch di wider erholt vom vergangene wuchenänd... und vom mäntigzabig... ::)
das isch halt - wämer en könig hät im dorf - und erscht na s'drittmal....
-
rosy, heit dir o überschwemmige, mir hei i de nachrichte ghört im oberaargou heigs o wüescht da?
-
Das isch eso, aber so schlimm wi im seeland ischs gloub nid grad. Es het o grossi seene i de fäuder. E Teu vo üsne Härdöpfu isch o scho z`zwöitmou im Wasser ???. O isch z Grundwasser öppe uf eme Meter gsi, de isch`s eifach bi de Chäuerfänschter inegloffe >:(.
Iz ischs zum Glück wider aus am tröchne, bis zum nöchschte Mou!...
Schöne Obe !
-
D Ussichte sind jo schön 8) mol luege öps au stimmt
-
jetzt chunnsch denn Du no , Romy.... ;) ;D ;)
Sali.... freut mi richtig weder emol nebis z ghöre vo Der! aber..... wenni so verruse luege mueni säge, wo gnau isch das schö Wetter?
Di nöchscht Wuche chasch jo glatt vergesse, de het jo Schnee uf 1300m wur di no fascht treffe....
Morn hetter schö, das isch guet so, denn gömer a üses regionale Schwingfescht, ;) ;D 8)
Jo Margrith, mer hens gnosse, und bis mer uf all üseri Schwinger agstosse gha hend, hani no schier es Damerüschli verwötscht.
Es isch no verruckt , wemer das jetzt so mitverfolgt, es git halt jetzt no bösi Zunge. De Jörg isch en spezielle, aber wemeren wöt kennelerne und so nimmt wiener isch, denn isch das en Bombema. Er wär nie so wit cho, wenn er nöd so wärr wiener isch.
Aber mer hend jo no meh so tolli Manne, ;D, de Dani Bösch, wo de Grab so huere guet ufs Chrüz gleit het, isch mol min fascht Schwiegersohn gsi, ganz en liebe, au wener so gross und starch usgsieht. Ihr kennet das jo secher au, wener em Sunntig morge ufstönd, zerscht mol a de Schue zähle luege wer alles do gschlofe het.... ::) do bini schochli verschrocke, de het glaub Schuenummere 54.... das sind Schifffffffeeeeeerrrrrr sägi eui, lach.
Tja, jetzt gangi morn weder live go luege und weiss jetzt scho das es gmüetli werd und es chlis feschtli werds au ghe, glich wer gwünnt, das isch schwinge....
-
Salut Zämme
Ich bis Miggeli und chum us der Region Basel.
Ich ha allerdings ins benachbarte Elsass ghürotet.
Mi Maa und ich betriebe en Buurehof mit Ackerbau und mit ere Pferdepension.Nebebii schaff ich no im Spitex in der Region Basel.
Das numme churtz zu minnere Person.
Ich find die Schwyzersite e gueti sach zum sich ussztusche ,ich fühl me mengemol scho e chli Isoliert ,so hett me doch möglichkeit sich au mit "glichbetroffene " usztusche. MIGGELI
-
Hoi mitenand
I bi d'Rita us em Appezeller Vorderland. Mer händ en Hof mit ca. 14 ha ond händ Milchwirtschaft. I bi s'erscht mol uf dere Siette. Ha im Landiheftli gläse, dass es jetzt e Schwizersite git. Find i guet.
Rita
-
Schön vom Appenzell und usem Elsass.
miner tochter sin fründ isch vom Appenzell
-
find ich au toll das wider neue gsprächspartnerinne im forum azträffe sind -
aber rita eso wichtig find ich jetz die schwizer siite au wider nöd....
vor öppe eme jahr isch im schwiizer puur es dossier gsi über de bt - und dänn hät mich d'schriiberi vo de ziitig au gfröget, öb mer i de schwiiz nöd au e so öppis a büte sell -
warum - hani zrugg fräget - mir spilt das eigentlich e kä grossi role, öb mer jetz mit pürine us em grosse kanton oder us de schwiiz prichted -
die paar underschiied mached doch grad s'salz i der suppe...
-
Das isch scho wohr maggi, ich gnüss es au so über d Gränze z diskutiere. Aber do i de Schwitz gits halt gliech en hufe wo total andersch isch und drum findi de Schwitzerstammtisch ganz toll.
-
Genau ;D
Uebrigens...sali Rita.... wäret mer no zimli nöch demfall ;D
I bi usem Schwingerkönigdorf ;) ;D ;)
Und gad gseh...sali rosi und sali miggeli
mer sind uf 1000m im Toggeburg, hend au en nasse Summer gha und sind immer no am umefiguretle mit em Emd. Hend hür e BG gründt, so dass mer jetzt 22 ha bewirtschaftet, Chuezahl simer jetzt am usteschte was mag lide.... ;) aber weleweg pendlet mer üs uf 15 Chüe i, mit Nochzucht verstoht sich.
Im Summer z Alp mags eh nöd meh lide, sös chömer nüme üsi 100 Täg dobe si, und mer muess jo au ufs Gräs luege nöd nu uf d Biiträg, gelle ;D
Mer sind BIO und hettet gern üsi Buurebeiz ( Besebeiz) gführt, isch mer aber im Früehlig zue tue worde, keine Kanalisation und kein Gäste WC. Da ich au no politisch es bitz aktiv bi, loni das nöd uf mer beruhe und so bini eigetli scho de ganz Summer am umekämpfe....und han en u hufe Bsuech... ;D
grüessli esther
-
natürlich hanich das au e gueti idee gfunde mit em schwiizer stammtisch....
aber nur mir paar schwiizer chöpf, das wär doch e langwiilige aaglägeheit... - tänked e mal a de jhv - e kä mirjam....!!!
für die wo si nöd känned - si schwätzt glaub schnäller als die meischte tänked - aber es chunnt übrigens en huufe gschieds use - si cha aber au anders bringe - eso isch es nöd....
ich bi margrith us em kanton schaffhuuse - diräkt a de tüütsch gränze -
ursprünglich chumi aber vom zürisee und dä dialäkt hani rächt guet konserviert, bi imerhin scho über 35 jahr i däre region...
mer händ 4 erwachseni chind (3buebe, 1 meitli) - en hofnachfolger isch zum glück au debi ...
mer hände ca. 47 ha land (ca. 25 ha acherland, naruwise und na weide) -
öppe 20 milchchüe und nachwuchs, a ja , das vergiss i immer sit eme jahr na guet 90 maschsäue - im stall vom zukaufte nachberhof
-
Jetz bin i fascht zuefällig wider emol uf eusi Site und ha mi gfreut, dass mer Zuewachs über cho hei! Ich bi au us der Region Basel, aber gege em Jura zue, fascht am obere Hauestei.
Mir hei ä Hof mit 20 ha, 25 Milchchüeh. S'Jungveh gäbe mir im ene andere Buur zur Ufzucht und chaufe die trägige Chüeh denn zrugg. Mir hei ebe au no Spezialkulture: Grüeni Spargle, Chirsi, Mirabelle und Zwätschge.
Ich bi 65, mi Ma 67, mir hei 5 Chind ufzoge, wo alli erwachse und ghürote si und hei au scho 9 Änkelchind. D'Nummere 10 isch underwägs und wird im Oktober uf d'Wält cho.
Euse Sohn het der Hof übernoh - mir zweu si jetz "mitarbeitende Familienmitglieder".
HÄRZLIG WILLKOMME MIGGELI UND ALLI ANDERE NEUE!
Hildy
-
Herzlich willkomme alli "neue schwiizerinne",
ich bin au nonig so lang debii. mich hätt mini muetter d'maggie uf de bt broocht. ussert äm puurätochter sii hanich nüüt me mit puure ztue.
ich wone mit mim maa und mine zwei chind z payerne. min schaffhuuser - zürcher - dialekt hani notürlich phaltet und hoffe, das mini chind nöd irgendwänn bärnered oder friburgered. biedes isch nöd wiit (si sötted vilicht ä chli fliisiger zu de groseltere uf schaffhuuse).
-
hoi mitenand,
es goot mer we im hildy, bi hüt ener zuefällig widermol uf'd schwiizersiite go luege und gseh grad dass es e paar
neui näme gee hät. ich möcht au alli herzlilch begrüesse. ich chume we d'margrith usem kanton schaffhuse, und
mir hönd milchväh, munimascht und ackerbau.
cendrillon, mach der kä illusione, die phalted de dialekt nie, ich hane fründin im züribiet und beidi eltere reded no
original schaffusertütsch, d'chind aber total züritütsch. (ich säg etz aber nüt wüescht's drüber, dini mueter list
mit)
gruess susanne
-
(ich säg etz aber nüt wüescht's drüber, dini mueter list
mit)
gruess susanne
susanne - ich bi mi das gwöhnt - sit ich z'schaffhuse bin wird ich "gmoppt" - und das scho öppe 35 jahr - aber vertriebe hänts mi nöd chöne....
wänn amig wider öpper öppis seit wäge minere sprach - isch mini antwort -
i dem dorf muess au öpper rächt rede !!!
-
Ja Maggie, für üs hie isch das bi öich usse ä Hauschrankheit u ke Sprach........................................!
Aber wüsst Dir was letscht Wuchenänd sy mir mit üsere Glace am Pro Specie Rara Jubiläum gsi, die Spracheviufaut vor Schwiz isch üs dert so richtig ufgfaue, vor auem bi de Beerinäme. Aes wär schad we mir hie i der Schwiz aui glych würde rede, äs gieng öppis verlore o wes nume grad das isch we me mitenang um d`Sprach stürmt gäu Maggie.
-
De wott i me au mol do mälde met mim Aargauer Dialäkt. I wohne am Hallwilersee, Seesecht pur os em Chochifeischter ;)
Mer händ zwe Söhn. De eint esch Zemmerma ond wohnt z'Grindelwald, de ander esch Buur ond schaffet oswärts.
Mer händ en 30-ha-Biobetreb met 33 Chüech ond Nochzocht. Em Acherbou hämmer Mais för öisi Viecher ond Getreide zom verchaufe.
Ich be Presidänti vo de Aargauer Landfraue ond em Schwizerische Pürinne- ond Landfraueverband Presidänti vo de Beldig - wer d'Pürinneprüefig macht, chonnt wahrschindli ergend einisch met mim Name e Kontakt.
So, ond jetz use e Garte!
E gueti Woche
regula
-
Hallo Ester 4
Das chen ich au s ummekämpfe......Uns het d Gemeindi vo unserem Wohnort 65 are Bode enteignet um e Spielcasino druff z Baue....de Kampf got sit 3 Joohr .
Da Basel eins het und mer numme 10.Min. dervo eweg Wohne finde d Franzose das d'lanzlütt s Geld im Frankrich sölle ussge .E Stross isch durch Feld und Wald Baut worde zum mitte im Feld usse die Spielhöhli chönne z Baue.
Es seht imm moment drurig uss und mir hen nütt gege der Staat chönne unterne....
Do seht me wieder wens ums Geld got. MIGGELI
-
Hallo zäme
Wie gots euch leset grad e ganzi bandi ufgstellti lüt :-*
EHRKLÄRUNG: Gestern war ich am Strickhof in Wülflingen und durfte dort ein Referat über den BT machen. Ich habe den obigen Beitrag geschrieben, als Demonstration wie man einen Beitrag schreibt. (Nur im Fall ihr euch über den Satz wundert) ;D
-
Ich kann nur sagen:
Grias eich aus Bayern:
War jetzt zwei Tage in Flüeli beim Tagen und Denken: und weiß jetzt was ein "Kübel" Bier in der Schweiz ist.
Schön wars.
400 km hin und 400 km zurück, aber eure Autobahnen sind stressfrei und super
Pfiadeich
-
Hallo zäme
Wie gots euch leset grad e ganzi bandi ufgstellti lüt :-*
EHRKLÄRUNG: Gestern war ich am Strickhof in Wülflingen und durfte dort ein Referat über den BT machen. Ich habe den obigen Beitrag geschrieben, als Demonstration wie man einen Beitrag schreibt. (Nur im Fall ihr euch über den Satz wundert) ;D
das hani mi würklich, ha di scho wele fräge warum du i rätsel schriebisch....
und hoffentlich zeiged dini bemühige au echli würkig...
isch da en kurs gsi oder bisch i de hs gsi ?
-
mir händ da im bt ja scho prominänti püürine - hüt isch d'regi under de rubrik "bäuerinnen kochen" i der ufa revue z'finde...
die winterrole wird ich grad teschte die nächschte tage -
und dänn stell ich s am hans sinere verwandtschaft a de wienacht uf.... - und minere tochter und änkeltochter chamers au uufstele - es hät ja kä säuli drin....!!!
übrigens regi - wie lang chamer die sauce phalte ?? - cha mer die au zum vorus mache ???
-
ich ha hüt die winterrole gmacht -
leider isch bi mine manne de begeischterigs sturm uusplibe, ich ha mir jetz für de z'nacht namal eini in ofe ta...
so - jetz chömer go ässe ...
mmmhh -s'isch fein gsi...
mer sind hüt wider emal e chli spaat dra gsi -
de junior hät frei iigää.... und mir händ na müese bauer sucht frau luege - bis am viertel vor sächsi....
mer händ am mäntig nöd alles gseh.....
-
Ui, Margrith, sorry, dass i kei Antwort gscheckt ha wäg de Soose!! Die cha mer secher im Vorus mache, aber wie lang mer si cha bhalte, muesch sälber usprobiere.
Wahrschindli nemmsch der die Müeh ned grad weder zom Wenterrolle mache, wenn doch s'Rezäpt ned acho esch be dine Manne (ond denn säges eim emmer: "Ehr Fraue händs guet, chönned emmer choche, was ehr wännd...)
No öppis wäg de Aeniswörfel: Eier ond Zocker mues mer wörklech lang schlo. Am beschte ed Chochimaschine tue ond lo surre.
Flying Hirsch: Mer Aargauer hätte au no 2 Büecher, wenns di entressiert. Lueg eifach of http://www.landfrauen-ag.ch (http://www.landfrauen-ag.ch)
-
ich bi geschter i de stadt gsi go 2 gschänkli poschte... -
dänn hätts mer glanget, ha na e kollegin aatrofe bi mit ere go en kafi trinke und nachär hei -
und hüt bini uf em land in en grosse lade mit jeder mänig spieler etc. für d'chind.. - ohni parkplatzproblem, prakplatz diräkt vor em ladeiigang und e tolli und hilfsbereiti bedienig...
woni geschter im lade i de stadt ha wele es spiel chaufe für mini änkeltochter hät's ussert em "eile mit weile" na 2 spieler gha - c'etait tout.....
de "buebe" gibi en autobahnvignette mit e chli schoggi derzue -
und mim herzallerliebschte (im momänt) - hani es schächteli gsuecht für sini bluettrucktablette z'versorge, s'karönli wo die erschte drin gsi sind gheit nämli usenand -
i de stadt hani es handy - etui für chlini meiteli - rosa und pink mit da sonere muus druf - oder isch es en anders tier...
emal luege öb ers benutzt - ich tuen em dänn grad en blischter tablette dri, das er weis für was ers muess bruche....
und fertig sind mini iichäuf....
a ja - tochter hät uf de geburi und d'wienacht (ich weiss nanig wieviel jahr das sie da dra mues zehre !!) - en abwäschmasch. übercho....
-
heb ä kei angst, ich zehre nöd draa, ich wird die maschine no joorelang gnüüse.
liebe grüäss
katrin
-
Hallo Flying Hirsch
Willkommen im Club ;D :D
-
geschter isch sit langem de erschti tag gsi, das ich nie am pc gsässe bin...
ha guetzlet wie vergiftet und z'abig na wienachtsfiir im änglischkurs gha... - zum glück hani die 3 lieder womer e chli händ müese lehre läse scho e chli kännt, dänn isch es eingermase gange - nach nu eim mal dure"luege"....
aber hüt bini jetz am nahhole...
mues aber namal i d chuchi, ha na chräbeli teig wo sit geschter wartet und na 2 / 3 sache woni na wot mache...
d'mane sind die letschte 2 tag vom morge bis z'abig am bau gsi - si händ d'röhrli gleit für d'bodeheizig und hüt am morge sind d'böde gosse worde...
morn laht de heizigsfachma s'erscht mal d'heizig la laufe - drucked all tüme, das es au tuet...
und vo ändi wuche a chömer dänn heize zum rächt dure tröchne, dann chamer im neue jahr mit de wänd aafange - vor allem i de stube und chuchi -
ich wett nämli öppe d stube und chuchi böde plättle -d urchgehend - das mer dänn nachähr cha d'chuchi iibaue...
-
Uiii Maggi, denn häsch jo e rechti Baustell über d Festtäg :P
-
aber mir wohned ja zum glück nöd uf de baustell...
und jetz häts ziit zum trochne .....
hüt e morge händs d'heizig laufe lah und bis morn am morge wird's dänn scho e chli möge wärme....
bi dene tämperature hämer i der wöschchuchi gführet wie di wilde, dass es nur e bitzeli wärmer gsi isch als verusse....
-
Mich lönd nume d wechseljohre nit schlofe ;D
-
Moinz
so das isch jätz z churer dialekt isch a schwäri sproch nei au!
hen iar gwüst wia das mitam dialekt ganga isch? do gits a gschichtli, ah i verzela dia eu:
Und am 8. Tage verteilte der Liebe Gott die Dialekte...
Jede Region bekam Ihren eigenen Dialekt. Und alle freuten sich darüber.
Zürcher: "Läck böbbi, mir händ sonen gäile Dialäckt, oder?"
Berner: "Dasch aber uschön, was mir fürne schöne Dialäggt becho hei!"
Walliser: "Mir hei awer en scheene Dioläckt üwercho"!
und so weiter...
Nur für die Bündner blieb leider kein Dialekt übrig!!!!!!!!!
Da sprach der liebe Gott: "Jonu, denn redend iar halt aso wian i !
a liaba gruass Maiarisli
-
hallo flying hirsch,
ich ghöre au zu dene wo mer weis wer si isch -
das stört mich nöd, im gägeteil, ich han immer müe wänn öpper sich anonym üsseret -
nöd da im forum, aber seg's im dorf vor abstimmige oder eso -
da hani vor e paar jahre e mal e kollegin wo e paar jährli älter isch als ich, rächt vertäubt -
sie hät sich ineme anonyme schribe - an ali huushaltige - zum bau vonere motocrosspischte güüseret - natürlich degäge -
a der gmeindsversammlig womer e chli später gha händ, bini ufgstande und hat gseit -
ich find's eifach fiies, wämer sich zu öppisem üseret und nöd de mumm hät zu sinere meinig, mit name z'stah -
später isch si dänn zu mir cho und hät under anderem gmeint, also ich würd au nöd mit em name derzue stah, wänn ich eso öppis würd verschicke - ich bin emal e so furchtbaar agmacht worde, woni mi anere gmeindsversammlig getraut han e chli kritisch z'si, das ich das nüme mache...
do hani grad e chli müese schmunzle - dänn es händ all gwüsst, dass sie de brief verfasst hät -
und ich hanere gseit - wämer i der öffentlichkeit wot mitrede mues mer ebe au parad si, emal öppis i z'stecke wo nöd eso aagnähm isch -
das han ich scho öppe erläbt ....
schwige set mer chöne, dänn passiert eim das nöd....
-
hoi flying,
ich bi ehär anonym da. ich schrib zwar vil au ganz persönlichs, derfür stell i nöd grad mini adi inä.. ich find das eifach extrem unspannänd, wem mä nöd no chli gheimnis het:) .. und überhaupt. ich mein , ich känn mich ..das langt 8).
möcht eifach nöd zu durchsichtig werdä im netz... (bi abär sust sehr offä im fründeschreis).. abär jedä so wiä er will.. und ps..au imä forum gits klatsch, und där dörf gärn ohni mich läbä 8)
söll doch eifach spass machä..*thats it*
grüässli brit
-
Hallo Flying Hirsch
mech donkts eifach vöufach e schwerigi gratwanderig. Mängisch hätt mer ou öppis interässants z verzöue oder chönnt öppis spannends zomene thema biiträge. doch om die beträffende lüüt i mim omfäld z schütze, lohd mers de halt lo sii. Do mer jo halt nie weiss, wer do so alles metlest.
Ich weiss was du meinsch. Es goht mir genau glich. Aber so ganz privates, ich mein sötigs wo as lebe goht, verzäll ich do nit. Ich ha den mini private mails woni mi cha, so zäge, usleere.
Aber schüscht bin ich jo scho durch d Moderationinnevorstellig scho sehr offe ;D
-
Hoi zäme
Ich ghöre au zo de "relativ öffentlichi Persone" do of de Schwizer Siite. Da beni aber au soscht e der Landfraue-Szene. Versteckis lit mer ned so, drom schrib i met mim Name ond läbe demet, dass anderi wösse, wer i be.
Do muess glaub jedi ehre Wäge fende.
Of jede Fall wärs mer z'kompliziert, no onder eme andere Name z'schriibe. Do miecht i secher es Gnosch!
So, Flying Hirsch, besch am Noh-Schlofe??? Zom Glöck loht me d'Fasnacht chalt! Ha soscht scho gnueg om d'Ohre.
Ond öbrigens muesi emmer lache öber din Name - mer chöme em Früehlig au en "Hirsch" öber, aber i hoffe, dass de meh fahrt as flügt ;D ;D ;D
-
hallo,
wenn ich din letschte biitrag lis denn bini froh dani numme 'mo' a'd fasnacht.
also villiger stümpe da wär glaub min früeziitige tod. wääääh chani do nume säge!
aber susch hönders jo alläg glatt gha - oder?!
grüessli
susanne
-
Fasnecht, das isch äs guets Stichwort - dört muess mä au ufpasse, dass eim niemer kennt! :P
Und trotzdäm han ich auch an der Fasnecht immer vor Auge, dass ich nohär wider mit dene Lüt im Alltag ztue ha und ich will mer nid anomym öppis z'Schulde cho lo. >:(
Und so halt ichs auch im Forum, ich schrib, was ich dänk und cha verantworte und underschrib mit mim Name - wos jo weiss Gott im Baselbiet nid so mängisch git! Aber das Risiko isch vo mir kalkuliert! ;)
-
"Flying Hirsch" esch e Drink, wo mer bi üs a de Fäscht i de Bar cha trenke.
das isch da dä ränner a dr schibar..*hicksch.. isch nit ganz ohne, aaaaber fein 8) :P
-
Hallo Hildy,
Dis Zitat vom 6.2.08 "und underschrib mit mim Name,was weiss Gott im
Baselbiet nid so mängisch git."
Ich weiss nid ob ich mi jetz muess Betroffe fühle,bi ich doch au ä Anonymi.
I chami scho z"Erkenne geh,i ha jo nüd s"Verbärgä.
Süscht chani mi Dine Usfüerige nume Aschliesse,ich,wetts eigentlich au äso halte
im BT.
Uebrigens bini mit Dim Maa im Eberain gsi.
Liebi Grüess vom Gertrud vo dr Schofmatt.
-
Hallo Gertrud,
Das freut mi aber, dass ich do ä Baselbietere träff, woni sogar no kenn! :)
Äs muess si gar niemer betroffe fühle, ich ha numme wölle säge, dass ich mir nid so vill Gedanke mach wäge der Anonymität. Wärs lieber ä chli geheimnisvoll het, dä cha das ha, aber für mi isch das nüt.
Bi gspannt uf Di nächschte Bitrag!
Hildy
-
hallo hildy,
ähm ich glaub mit geheimnisvoll hani nöd dä richtig usdruck verwütscht.... eher meh möcht nöd zu durchsichtig werdä. und daderfür gits veschideni gründ. mir persönlich gits meh friheit, das s`schribä woni wett.. sust wird doch schnell uf persönlichem umäghackt.. das isch eifach so..
liebe grüsse brit :)
-
Sali zäme
Es isch e total schöne Morgestraich in Basel gse .
Au der Corteege isch e Bombe gse.
Es het saumäsig vieli Lytt kha.
SWetter chönt besser nitt sii.
Hit z obe isch s Guggekonzert ov de verschidene Plätz.Ebeso Laterneussstellig und Waggiswage usstellig .
Ich freu mi .
Morn isch nommol der Cordeege (Fasnachtsumzug) und am 04.00 am Morge isch alles wieder verbii für e Joohr .
Aber ich gniesses und denk nonni an der Donnstig am Morge .
Wer Morn Zytt het sott der Cordeege ab de halber zwei nitt verpasse,Basel isch e UUsflug wert in der Fasnachtszytt .Miggeli
-
Miggeli Du machsch mi nidisch, a ds Guggekonzärt wet i o wider inisch. Ig aus Bärnere bi vor 22 Jahr z Basu gwonnt u ha mir d fasnacht natürlech nid la entgah, vo däm Guggekonzärt chumeni no itz ids schwärme. Wie isch es de hür gsi?
-
Salut zäme
Leider isch schoweder Donnschtig und alles isch verbie bis am 2 März 2009 .
Es esch herlich gsii......Ich bi au miteme Waggiswage am Cordeege gfahre .
Es het tausendi vo Lütt kha und e sunneschiin wie im Bilderbuch .
Au z obe isch fescht Gässlet worde und wo s am 04.00 am Morge der Endstreich Pfiffe hen isch es eim doch wehmüdig ums Herz worde .
Am Sammschtig wiederhohlt sf2 der Cordeege ,und am Sunntig isch der Querschnitt am 20 .00uff sf 1 .
Griessli miggeli
-
geschter hani in ere puurezitig gläse, das eusi regi - wider ein neue job hät ...
sie isch gäschftsfühereri (stimmt doch - das isch d'bruefsbezeichnig ) vo de schwizer landfraue...
@regi - vill glück bi dim neue job - du findsch au immer wider öppis, wänt neime uufghört häsch....!!!
-
Ich ha no gar ned ufghört.... I be no es Johr lang Kantonalpräsidäntin vo de Aargauer Landfraue, aber das brenge mer scho öber d'Rondi.
I fröie mech, dass ich gwählt worde be, au wenn i mängisch sälber verstuunet be öber min Muet! I werde emene 60-70%-Pänsum schaffe, so dass deheim au no öppe längt zom Methälfe (hoffentlech...)
I schaffe scho of de Gschäftsstell sed em 1. Februar - ond jetzt mues i grad of de Zog of Bärn. Kommissionssetzig met Protokoll schribe.
E schöne Tag
regi
-
übrigens -
geschter bini z'luzern im kkl - am e klassische konzert gsi -
do hani d'luzerneri a troffe - si isch grad i de reihe vor mir gsässe....
so chunnt mer us em norde vo de schwiiz sogar z'luzern zu bekannte gsichter - dank em bt...
-
Gratulation Regi, das ist denn aber ä güäti Neuigkäit. ;)
-
super! aber ich gseh da denn scho nie, ich lueg die ziitig eifach zwenig guet aa.
gruess
susanne
-
weisch wieni gsuecht ha - aber nüt gfunde - han ebe dä artikel nöd gläse..
-
mir isch früener immer gseit worde, ich söli froh sii, uf eme puurehof z'wone. anderi würdid gärn ferie uf em puurehof mache. *zwinker zu de maggie*
isch no guet, bin ich nöd di einzig, wo gärn emol "ferie vom puure" het ;) (oder gha het. jetzt bini jo nu no all paar mönet emol es wuchenend uf em hof. dän giz wider frischi milch und süessmoscht für e paar täg. ;D)
liebi grüess
katrin
-
han dä artikel hüt am morge na überfloge -
s'töllscht findi ja, dass mer i de schwiizer medielandschaft uf eus ufmerksam wird...
wänn sogar e journalischtin usem forum zitiert ....
weiss die überhaupt, dass d'romy e schwiizeri isch ? oder isch das zuefall ....
ja, ja kätterli.... !!!
-
D'Autorin vom Artekel esch ned e Journalistin e dem Senn, se esch bürlech-huswertschaftlechi Beroteri ond schribt os dem Bleckwenkel au Artekel e de bürleche Präss. I dänke, dass sie scho weiss, wer d'Romy esch.
A propos Ferie of em Buurehof. I be emmer gärn zo Verwandte ed Ferie, wo buuret händ. Zo miner Grossmuetter es Wältsche, es Bärner Oberland, Es Aemmetal e Landdienscht - das het mer vell besser gfalle as d'Räbe, wo mer deheim gha händ.
Jetz dänki, en Räbbetreb heig ein Vorteil: Mer het ned all Tag Chüe zom Mäle ond fuere. Deför het mini Schwöschter vell Gäscht am Samschdig ond Sonndig, de esch de s'Wochenänd au schnäll ome.
also, gnüüssed de Sonndig!
-
Jo sie hätt mer vorher aglütet und gfrogt öp sie dörf. Sie hät gseit ich heig do öpis im BT gschriebe öp sis dörf verwende. Ich ha denn ganz spondan gseit: Oje was hani jetzt wieder useloh.
Sie häts mer den vorgläse. Das isch aber, glaub i, scho lang her.
Hamer eigentlich gar nüt debi denkt. Erst de Göga hät denn gmeint: Wow jetzt wirsch sogar scho zitiert. Erst denn ischs mer bewusst worde, dass das eigentlich scho es bitzli e ehr isch. 8)
-
aber si hätt doch im bt "gschneuget" und das find i toll...
phhh uuuu - öppis ganz anders -
bi eus schneits wie veruckt, hoffe nur, das es nöd na grösseri flocke git....
han au hüt wider meh müese füüre als die letschte tag
-
ha au müesse meh füüre, aber nume will d Heizig wieder emol usgfalle isch. Ich glaub die händ wieder emol de ganzi schnee im unterland usglade, bi eus häts nume e chli gflöcklet
-
jo wo woned den ihr? mir händ hüt am morge dä schönschti sunneschii ghaa. am nomitag häts dänn ä chli zue gmacht, aber es isch dä ganzi taag troche gsii.
mir händ di letschtä täg scho fascht früälig ghaa.
no en schöne abig
katrin
-
jo wo woned den ihr? mir händ hüt am morge dä schönschti sunneschii ghaa. am nomitag häts dänn ä chli zue gmacht, aber es isch dä ganzi taag troche gsii.
mir händ di letschtä täg scho fascht früälig ghaa.
no en schöne abig
katrin
ha scho lang tänkt du wüssisch nöd wo mir woned.... ;)
-
jo wo woned den ihr? mir händ hüt am morge dä schönschti sunneschii ghaa. am nomitag häts dänn ä chli zue gmacht, aber es isch dä ganzi taag troche gsii.
mir händ di letschtä täg scho fascht früälig ghaa.
no en schöne abig
katrin
ha scho lang tänkt du wüssisch nöd wo mir woned.... ;)
....schiimbar woned ir am falsche ort - ich wott jetzt e kei schnee me ;D
-
hei, ehr zwöi - euichi Familiefehde chönned ehr privat usträge ;D ;D ;D
nei-nei- esch j ned so Aernscht gmeint!
Be öis esch es au relativ schön gsi höt, aber em Momänt hanit sowieso nome Büroarbet, de chonnts ned drufa!
-
hoi zäme,
geschter isch es so schöö gsi, strahlend blaue himmel und sunneschii und ich wär so gärn uf bad dürrheim
go bade - und kein mensch hät ziit gha zum mitcho. elei isch's nid so toll.
ich wär aber sogar no eilei gange bloss isch denn leider min uspuff am auto abegheit, also nüt gsii! hüt isch er erscht mit troht ueghenkt er söll schints morn gschweisset werde - oder so.
jo nu, defür isch d'buechhaltig etz denn gar fertig.
en schöne obed no
susanne
-
guet häsch mich nöd gfräget - ich wär suscht na i versuechig cho -
ha aber am nächschte mittwoch gv vom landfraue verein - und wo guet wie nüt isch parad....
und morn bini na de ganz tag im dorf - mer händ wider emal bazar ....
-
hallo zäme,
mir händ hüt so richtig de "früelig" gnosse. d'chind händ welä im garte z'mittag ässe. wäns üs die blöd schuel nöd vor'd nase gschtellt hettäd, wärs no aagnäm warm gsi. aber sobald mer im schatte gsi sind isch chalt worde - und d'wösch hät drum au nöd rächt welä tröchne.
ich hoffä äs wätter bliibt echli eso.
liebi grüäss
katrin
(maggie@: schpil nöd z'falsch flöte morn) ;)
-
(maggie@: schpil nöd z'falsch flöte morn) ;)
ich spile nöd mit - es isch mer verleidet... - het ja doch fascht e kä ziit gha zum üebe...
-
läck, ich bi wider mol di grööscht! hüt es neu buechhaltigsprogramm (update) installiert und prompt nümme ie
cho! irgendöppis hani vernueschet, nid de richtig code oder weiss gott wa, aber z'letscht, woni scho fascht
verzwiiflet bi isches denn doch no gange. also chani morn wenigschtens no gar fertig mache und denn adie und
furt mit dem glumpp. ;D - und di neu aagfange! :o
en schöne obed no
grüssli susanne
-
hä hallo züsi - fangsch du zmitts im bueche ine e neus programm a ?? -
da hätt ich d'nerve nöd derzue - zerscht wot ich im lauf vom jahr e chli pröble...
ich bin am eier choche für morn -
120 - aber ich has bald - ha 2 eierchocher wo sich mälded wänn's fertig sind und de chuchitimer näbed dra, das ich nöd immer mues i de chuchi stah und warte...
-
hallo maggie
wa heisst do zmittst im johr??? 07 isch praktisch fertig und 08 nonid gebore, ha also no alli chance da härezbringe.
für wa sind die 120 gkochete eier?
we isch übrigens die GV gange? du häsch au no närve mit dem johresbricht etc. am tag vor de versammling!
be üüs obe isch immer no ruhe vor dem schturm. d.h. mir sueched immer no e präsidentin. de reschte vom vorstand
hetted mer eigentlich zeme.
grüessli susanne
-
:D :D :D ich drück' Eu d'Düume, dass es klappet - s'würd mi freue!!!
-
grüezi mitenand,
also - die 120 eier sind für die beleite brötli gis - mer händ 499 stuck "paschtlet" -
thon - grosse ränner, eier - ebefalls, dänn chäs, spargle, fleisch und jedi mängi gmischts....
da isch en grosse tisch voll mit "gschmeus" für d'brötli und 6 fraue sitzed drum ume zum belege und eini stricht de ganz tag -
vom morge am nüni bis öppe am 4 z'mittag -
mir sind e tolli truppe und händ risig de plausch - mer hocked inere garderobe vo de merhzwäckhalle und händ de fride...
vor allem wänn's e so warm isch wie do wider - dänn brötled die andere i de turnhalle und mir händs gmüetlich -
verpläge tüe mer eus mit eigne "kreatione" - derzue e feins wili und natürli au wasser und kafi -
und wäns e turte hät wo nöd eso ganz hebed - was zum glück all jahr mindischtens einmal vorchunnt - wärdet mir beschänkt demit -
das mal isch es e mohrechopfturte gsi - oder wie mer hüt mues säge - e schoggichöpfliturte...!!!!
jetzt zur gv -
die isch supper guet glofe - nach guet anderthalb stund hani's scho hiner mer gha und dänn hämer na bime tessert und getratsche de abig la uslaufe bis churz nach mitternacht -
am aafang hämer en feine z'nacht gha - und woni da dezue scho min halbe wiise bschtellt ha, hänts gmeint ich müess doch warte bis nach de versammlig -
ha mer aber glaub e känn "faux pas" gleischtet....
im momänt gnüsi de ussblick i die schönscht winterlandschaft - bruchti aber eigentlich nüme -
bi e mal wider elei -
de junior isch zum schatz - muess hüt e mal wider via uusland -
über de hoger chan er hüt nöd fahre - trotz betriebsauto mit allrad....
dänn hät er am nächschte via tütschland - über schaffhuse wär öppe toppltet eso wiit ....
winke - zur farmerin.....
d'gmeindrät händ glück gha - ma mittwoch hänts mitenand z'nacht gässe - bi eus im dorf...
und do hänts guet wider chöne über de berg - isch tänk au besser gsi !!! -
ich will aber da niemert verlümde - es sind ja immerhin seriösi manne und fraue (?) - bi eus hätts wider 2 - ei gmeindrätin und d'schriiberi - aber die händ chöne z'fuess cho ....
und min göga hät doch tatsächlich hüt am morge e gmeindratssitzig, aber nur wägeme spezialprojäkt - irgendöppis wägem hochwasserschutz - er isch letschti im nachberdorf - am bachunderlauf gsi - und jetz müends na durechäue was det verhandlet händ...
gnüsed de - hoffentlich - letschti schnee und allersiits "schöni oschtere" ....
-
Hallo Maggie
Wie cha me nume amene Karfritig Morge e Gmeindrotssitzig mache. Auso i glaub, i würd grad nit go. E so wichtig cha das Projekt jetz au wieder nit si, dass es so dringend derfür e Sitzig brucht, dänki.
Jo, i hoffe au, dass es dr letscht Schnee isch für das Johr, obwohl bi üs hets nume ganz weni gschneit, derfür gstürmt wie verruckt, und do si mir sogar no froh gsi um das bitzeli nasse Schnee uf de Decher, denn hets wenigstens d'Ziegel nit gnoh.
I wünsche dir e schöni Ostere
LG Helen
-
leider hänts im momänt schwirigkeite immer termine z'finde -
euse gmeindspräsi isch under de wuche i de region bern - i de "schuel" ...
er macht e witerbildig und da müents eifach luege und öppe die sache zäme näh -
-
hallo helen,
bi üs häts au dä ganzi tag zimli g'luftet. zum glück häts aber im dä mittag umä aagfange z rägne, dänn isch dä schnee schnäll wider wäg gsii. ich bi no froh, isch er scho wider wäg.... ;D (d'chind wäred zwor gern in schnee go spilä, aber bi dem sauwätter...)
allnä no ä schöni und hoffentlich ä chli fründlicheri ostere
katrin
-
jesse ou, wer söu ou all die schoggi ässe?
:P
öppe 4 kilo oschterhase hend mer öbercho.
frog mol d'maggie, wie das gsii isch, wo-n-ich i eim tag öppä 1kilo osterhaseschoggi gässe han (si hät dänn z'nacht minetwäge ires bett müesse neu bezie ;D)
än guete
katrin
-
I ha au so Erinnerige a Oschterhase. Die wiisse send früehner emmer emene orangige Säckli ipackt gsi - ond i ha si sooo gärn gha.
I ha mol en Osterhase-Usstellig gmacht of em Feischtersims. Leider esch a säbere Ostere ned so grusig Wätter gsi wie höt........... Dank Sonnestrahle het's de grossi Träne ge........
Das Johr hani mer weder mol en wisse Osterhaas gschänkt, d'Ohre send scho fort.
-
hallo zäme
i ha itz grad nid aui texschtä gläse, aber het scho öpper uf bärndütsch gschribe????? ::)
Hie schneits wie gschtört :( u mi ma isch zum kolleg ga d nährstoffbilanz la rächne u gäge morge muess är sicher de ume mit traktor u schnütze usrückä!! Schöne Abe
-
Tschou conchita, de hesch äuä nid vo afang a gläse, i schribe o bärndütsch, härzlech wiukome, us welem egge vom kanton bisch du de?
-
De Schnee ischmer echt glich :-\ aber die schwichälti - zum defolaufe.
Hallo Chonchita, ich bin au e halbi Berneri - jawohl mini Mueter chund vom Bielersee - hätteter nit denkt gället.
-
i chume usem schöne Ämmitau! :D
-
natürlich törfsch du din nickname ändere.....
-
also, ech be neu s "schweinchen7".
flying hirsch
Härzlich willkommu.. ;) Nogerli heisst Schweinchen uf walliser Ditsch. :D
-
hallo flying hirsch resp. schweinchen 7
weso plötzlich schweinchen - be üs heissed die übrigens guutzle!
scho chli en abstieg vomene flügende hirsch zumene säuli.
schöne obed no
züsi
-
oder esch Schweinchen7 au en Drink???
Du merksch, ich chome ned eso drus a der Bar, aber emmerhen weiss i, was i am liebschte ha: Wodka lemon......
-
reg - jä und das isch de "flying hirsch" -
ich chume gar nöd druus... - wänn i emal a de bar bin, la n ich mer öppis empfele vom personal...!!
tztztz - am morge frühe scho mit därige gedanke !!!
-
jasoo, weme e paar siite zruggblätteret denn findet me ufschluss über de 'flying hirsch'. etz isch mer wenigschtens
da emol klar!
Etz bliibt nono s'problem mit dem choge säuli - weso oder wa isches?
aber seg's wes sei, es gseht emel härzig us. (isches us marzipan?)
schöne tag no
züsi
-
Also ich find vor allem s Bildli mit em Marzipanschwiili härzig.
@Regi, am sunntig bin ich bi de Delegierteversammlig in Seewis gsie. Do isch din Name erwähnt worde und ich han chöne säge "Ha die kenn ich!"
-
Jojo, Romy, do schtoht mer plötzlech em Rampeliecht........ I be deför di nächscht Woche a der schwizerische DV - besch det au debi?
Aemel för d'JHV send d'Fäli devo gschwomme för di nächschte Johr, I be sowieso sooo vel onderwägs, dassi ned so vell fort wott am Wochenändi. Blibe mer halt witerhen e "virtueller" fröndschaft, gäll?
-
hallo fäärli 7 ;D
da isch weder noch, ich ha eifach zuefälig gläse wa da mit dem flying hirsch uf sich hät.
tschüss und en schööne sunntig
züsi
-
hallo säuli7,
oha, da hät jo scho wider aagfange. ich ha vo dem züüg scho kilowiis verchauft. äs isch wohr, äs git manne, die sind schlimmer als iri chind... ;)
mini sind zum glück anderwiitig interessiert (göga luegt zwor gern fuessball im fernsee, aber so bildli sind im, glaub ich, z'blööd).
mer schwiizer segid jo schiints wältmeischter im panini-bildli sammle.(wenigschtens a eim ort semmer guet ;))(http://)
wämmer hoffe, d'schwiiz machi nöd z'schnäll schlapp a dä em ;D
liebi grüäss
katrin
-
Wössed ehr ned, was choche? Neu gets en Menüplan vom Püürinne- ond Landfraueverband. Mer Aargauerinne händ de erscht Woche-Menüplan gmacht, wo de ganz Mai blibt.
Lueged of http://www.landwirtschaft.ch (http://www.landwirtschaft.ch) Stichwort "Ernährig" aklicke.
Vell Spass met öisne Rezäpt ond en Guete!
regi
-
hallo regi,
guet was du da aagrisse häsch -
ha de link i d'ml gstellt und e paar positivi reaktione übercho....
und hamer au scho e paar rezäpt aaglueget aber na nüt uusprobiert ...
-
hallo,
we mini söhn zum bischpil, die hönd am friitig gmäit was gha hät - denn geschter obed plötzlich beschlosse
es gäbi doch kei heu und balle gmacht!! heu ade - etz hömmer im moment gar keis me, me cha nu hoffe s'gäbi
denn wenigschtens emd.
gruess
züsi
-
mir händ ja vor de pfingschte gheuet - es hät nöd schaurig vill gäh, aber jetz chas wider na wachse und gülle häts ebe au gha wo hät müese use....
zum glück hät euse junior geschter müese go turne, drum hät er am fritig nöd gmähet... -
jetz wär's zwar wider schön sunig, aber wie lang...
ich hoffe ich chöni morn oder übermorn zu minere schwöschter in schwümmteich -s'wasser isch zwar na chalt, aber das chani glaub verchrafte,
nöd gchlorets wasser isch au scho aagnähm wänn's erscht guet 18° hät... ;)
-
hallo mitenand,
mir händ vor äs paar taag än plattespiler g'schänkt überchoo. jetzt han ich zwei schwiizertüütschi platte g'chauft (me muess ja schliesslich äs schwiizertüütsch vo dä chind pflägä 8)).
di eint vom trio eugster (do hät s'grosi freud ;D) und di ander klibi und caroline. do hani leider di falschi verwütscht. di meiste witz känni scho, die hät früener min chliine brüeder hindersi und fürsi g'loset :-\. jänu, dä chind tuets guet, au wäns nöd alles verstönd....
än schöne abig
katrin
-
Hoi Katrin
sid wenn heisst's denn bi Eu "la voilà"? i gratuliere uf all Fäll und wünsche Eu alles Liebi und Gueti
maja (vo ännet em Rande)
-
hallo farmerin,
mir woned ebä uf dä andere siite vom rööstigrabe, im waadtland.
drum mues ich au ä chli äs schwiizertüütsch pflägä. susch händ d'groseltere vo hinderem rande e kei freud.
liebi grüäss
katrin
-
mini frog nach "la voilà" het sich uf dis Bildli bezoge - das sett jo wohl heisse, dass Ihr es Meiteli übercho händ... und denn hätt i echli welle gwundere, wenn dass das gsi isch - und wie's heisst...(ussert, ich hätt do öppis falsch interpretiert, bi aber de Meinig gsi, do heb's amigs es anders Bildli gha)
-
du häsch rächt. das isch üüsi chlini amal. sit äm 22. isch si dä scheff im huus ;)
äs sött eigentlich i dä bt-babies 2008 dinne sii.
äs bildli vorher isch d'schlittschueläuferin gsii (das hät di elter tochter uusgläse, äs gliicht echli enerä prinzässin).
liebi grüäss
katrin
-
katrin,
tänk dra - mer händ au na en huufe lp's - aber vor allem "französischi schlager" - us de 60 er , 70 er jahr - also nüüt für dich ...
aber ich müest emal luege, villicht häts au na e paar mundart lieder (hudigägeler)
-
also eini weissi ganz sicher (die isch aber nöd schwiizer- sondern "hauchdeutsch") irgendwoo isch doch no ä lp mit em peter alexander?
-
Cendrillon
Ich nimm' mol a, ihr hebed de "Mathias" vom Dieter Wiesmann i eure Sammlig? Das isch jo DÄ Klassiker vo Mundart-Chinderliedli. Süsch chönnt ich die - aber uf CD - mol organisiere und via Grosi is Wälsche schicke loh. (oder denn vo de Schliermer Chind)
-
farmerin,
mir händ früäner die kasettä gha, aber wo die hiichoo isch weiss ich au nöd. do muäsch scho s'"grosi" frögä. ;)
(schlieremer chind? aber die singed doch nöd schaffhuuser sondern züritüütsch. goot den das mit dä lieder vom wisi?) 8)
-
hallo farmerin,
tanke villmal für dini werbig für de bt im schaffhuuser puur....
ha ghofft ich chön de link ie tue - aber isch nüt gsi - de schaffhuuser puur chunnt erscht füre wänn d'ziitig im archiv isch...
tänke villicht namal dra zum's nahhole...
guet isch der die werbig glunge -.... :)
-
Danke für's Komplimänt - ha zerscht no überleit, öb ich's Dir zum Gägeläse sell gäh - und ha's denn glich sii gloh - so quasi als Überraschigs-Bricht.... bi grad zrugg cho us de Ferie z' Tengen..... het en guete Campingplatz, aber s'isch chli chalt gsi. Aber nöch gnueg, dass ich d'Erchältigsmedizin ha dihei chönne go hole :D
-
jä sind er z fuess i d ferie gange - mit em zält uf em rugge ?? :D
-
...kennsch Du mich so schlächt?? - ich und z'Fuess... ??? ;) - Und vo wäge Zält: Mir händ zwei Blockhüsli gmietet. Die chline zwei Chind und ich - zäme mit em Gotti vom Jüngschte und ihrne drü Chind. Muetter/Chind-Ferie so z'säge. Und zur Not hät me erscht no chönne hei go heue - isch aber zum Glück nid nötig gsi!!
-
hallo farmerin,
woni da mim maa gseit hat häter gmeint: so nooch geng er denn scho nie id ferie, aber ich
finde da au gäbig. d'manne mönd äbe nie de ganzi bagaschi packe für sich und d'chind. vor
allem find ich de zeltplatz z'tenge lässig, die badi dinne und dä see dusse - super.
sind sicher schöni ferie gsi.
grüessli züsi
-
ha vorig i de nachrichte ghört, das es im bünderland e chli gschüttlet heb -
romy - häsch es au gmerkt ???
-
nei! Han nit emol es zittere gemerkt ;) Aber s Bündnerland isch halt gross :D
-
s'zäntrum seig z'flims gsi hätt's gheisse...
-
ah jo, do sind schon no es paar Berge dezwüsche ;) Nimmt mi wunder wer dört ene nit aständig tu hät :-X
-
Hets änart no meä St.Gallerinne, do im bt ?
-
Hets änart no meä St.Gallerinne, do im bt ?
ja vase - 2 mindeschtens..... und anderi nord-ostschwiizerinne au...
-
hallooooooo
me ghört so nüüt me vo eu im mundartgschpröch. ich ha grad be de plattdütsche ie glueget, do gohts
ene ähnlich. sind alläg au alli im wiehnachtsstress!!
ich ha etz endlich mis wichtelpäckli übercho, 6 tag isches underwägs gsi - mis hät möse vill wiiters und
häts i 2 tag gschafft. aber äbe s'isch halt nid mit de ptt gange.
ich wünsche allne e schöös wuchenend, s'isch zwor ersch dunnschtig obed aber morn hani kä ziit.
grüessli züsi
-
Hallo z emme
Mues doch emol froge obs do au no anderi Fraue us der Region Basel/Baselbiet gett?Ha me gfreut über ei Nochricht us em Baselbiet. LG Miggeli
-
S Hildy isch vo dört umanand. Ich bi nur e Exfricktalerie ;D
-
S Hyldi hett sich bi mer gmeldet,vor e paar Tage ,hett me sehr g freut.Miggeli
-
Jo s Fricktal isch im Aargau, bis Basel hämer aber nume e Katzesprung. Und s Hildy isch au bi mir ide nöchi ufgwachse.
-
Do säg i derzue nome "Scheissbeise"..... Öber Wiehnacht-Neujohr hani meischtens Mälchdienscht, sed öisi Jungs nömm deheim send. Si send zwar do gsi, aber schliesslich händ si au Ferie verdient.
Also, am Morge ond zobe goni go mäle. Ond es schnäggelet mi afe zemli a, ständig chaut z'ha, wel e Stond be 3-4° omeschtoh.
Höt zobe hani no e Schecht me agleit, so esch es einigermasse gange. Das heisst: Onderliibli, Gnägiliibli, Wollejagge, e decki, schofwollige Weste ond es Thermohömli. Ondedore Helly-Hansen-Onderhose, rechtig decki, ond Arbetshose.
Deför chomi bald nömm zwösche de Abschrankig dore...
Vo de Stobe us fendi d'Ussecht au schön, ossert, dass mer onder em Hochnäbel hocke, aber das semmer is jo gwöhnt.
Jäno, am Mendig foht de min Büroalltag weder a. Det esch es jo warm...
-
jä regi hesch di de no chönne bewege mit söfu chlider anne?
-
Chome mer vor wien es Michelin-Manndli, aber HAUPTSACH WARM!!!! I ben e totale Gfröörli, vo mer us müessts nie chalt wärde. Aber de müesst mer s'ganz Johr em Heu, de Silage ond em Ochrut noseckle, dasch au ned s'Gäle vom Ei!
-
Wenn me guet polschteret isch, tuets au ned eso weh, wenn mer uf em Iis umgheit, jetzt wo alles so glatt isch. Zum Glück hämmer am Neujohrsmorge fliissig Schnee grumet. Be Eus isch de Huusplatz suuber und troche, bi de Nochbere glatt und gschliferig. Das isch guet investierti Zyt gsi.
-
Hallo Miggeli,
Du frogsch öpps nome Baselbietere do het,i bi au no eini. Wohnä im Oberbaselbiet,
am Fuess vo dr Schofmatt.Wohnä mit mim Ma zämä im Stöckli und hälfä dä Jungä
Buurä und au Grosschind hüetä.
LG Fuchsia (Gertrud)
-
Hallo regi,
was hend denn ihr für em Stall?
Früre bim melche? ??? Do tommer aber d'Chüe o leid!
I bi dankbar, dass üssere Stall e so warm isch, dass me d'Chind o guet cha mitneh.
-
also wen ich mich richtig erinnerä isch äs bi üs im stall au immer zimli chalt gsii im winter (ussert mer isch under enerä chue une ghocket). und dänn isch au immer no ä türä ä chli offä gsi.
(ich bi froh, mues i nümme in stall ;))
liebi grüäss
katrin
-
En warme Stall tuet nur im Buur guet ;)
Wo mir im 93 in neue Stall züglet sind, si grad es paar kälber krank gsie, ziemlich schlimm sogar. Üsre alti Viehdokter hät denn gesei, "de neu Stall isch viiel z kalt, do überlebet sie kei zwei tag." Die kälber händ sich im neue Stall nachere wuche erholt und s isch ne tip top gange. S Vieh hät nit gärn zwarm.
Blöder isch wenn alles immer wieder igfüert. ::)
-
guete obe z emme
au bi uns isch in de usseboxe s Wasser iigfrore...und will d Ross de ganzi Tag dusse sin ,sin au im Stall D Wassertränkene iigfrohre ,das hetts no ganz selte gä.
Der Offestall het zum glück e Quelle wo d Pferd chönne go suffe.Doch bi dene Minus Temperature trinke d Ross herzlich wenig.
Hüt am Morge het mi Maa e neui Silageballe in der Fuetterständer of der Weid gmacht,die isch usse total gfrore gse.D Pferd sin wie wild druf los das liebe si trotz kälti. GRIESSLE US EM CHALTE ELSASS
MIGGELI
-
HALLO SCHWEINCHEN
den bisch du im wyyland gsee bi colmar...das esch wunderbar,Equisheim,geberschwihr,rickewihr,katzenthal,d wyystross isch sehr schön und voller tourischte.Ich bi numme 10 .Min.vo Basel entfernt,mir sind me schwitz bezoge in unserem ecke,als Frankrich.Zuedem bin ich e schwizerin,ha aber ins elsass ghÜrotet LGmiggeli
-
@vase: d'Chüe müend der ned leid tue, die früre no lang nonig! Die händ lieber -8 als plus 25 Grad! Du muesch mit MER Verbarme ha!!!
Aber i cha jo ame weder es warme Hus. Bes jetzt hani jede Wenter öberläbt. Ond met der Zit gwöhnt mer sech dra.
Geschter hämmer au die erscht Uftau-Aktion hender öis brocht, esch aber no rächt schnäll gange. Am schlemmschte esch jetz, wenn öpper nöime es Tor offe loht, wells denn zieht.
Aber ebe, de nächscht Sommer chonnt weder! Es esch jo scho weder länger hell am Obe - Ossert, dass jetzt de ganz Tag feischter esch, mer hocke jo onder eme decke Näbel.
So, jezt es Bett met ere Biigi Steichösseli. Schlofed guet!
-
um die Zyt wo du ids Bett bisch Regi, si mir mit üsem jüngschte ids Spital, är het so fescht Buchweh gha, mir hei dr Verdacht gha uf blinddarm, so isch äs du o gsi, die Aerztin wo ne opperiert het, het gseit bis am Morge wäri die Sach platzt gsi, i bi schön froh si mer rächtzitig gange. ä platzte Blinddarm hei mir vor sächs Jahr bi üsere eltischte scho gha, si hei im däm Spital wo mer denn sie gsi nid sofort ghandlet wiu d Symptom nid eso eidütig sige gsi!!!
-
hallo susanna,
wie goots dim jüngst? hät er alles guet überstande?
ich wünsche im no gueti erholig vo dä operation.
liebi grüäss
katrin
-
Susanna, i hoffe, dim Sohn göis scho weder besser! Guet, dass ehr grad no zrächterzit en Spital send!
Wönsch der ond vor allem em Sohn alles Gueti!
-
Uii jo! do händer aber glück kah. Au fo mir guti besserig.
Ich ha selber au sone scheusslichs ding kah. Eigentlich hani gmeint ich heig nur e gripp und bin eingentlich nur zum dokter goh medikament hole. Zwei Stund spöter bin ich im spital gsie :P
De blöd blinddarm, dass de nit einfach eidütiger cha deher cho.
-
tschou zäme, ja mir hei würklech schwein gha, äs geit im rächt guet, bis hüt het me nid gwüsst o me die Sach no einisch mues uftue u nomau mues spüele, äs het geng no blüetet. Aber jitz isch guet u si hei ds Schlüchli zur Wunde usgno. Ich bi schön froh, itz söt sech dä Junior eifach no chly stiuha, aber äbe....
Danke euch aune für ds gueti Besserig wünsche.
-
hoi mitenand,
läsed ihr grad mit wäge de neue eu gsetz für väch? s'lächeret mi fascht echli we do diskutiert würt über
sache wo bi üüs scho siit johre eso sind. aber ich trau mich nid öppis dezue z'säge, es goht mi schliesslich
au nüt a!
grüessli züsi
-
wot rächt häsch häsch rächt
grüessli züsi
-
hoi mitenand,
läsed ihr grad mit wäge de neue eu gsetz für väch? s'lächeret mi fascht echli we do diskutiert würt über
sache wo bi üüs scho siit johre eso sind. aber ich trau mich nid öppis dezue z'säge, es goht mi schliesslich
au nüt a!
grüessli züsi
aber züsi,
bevor's bi eus iigfüert worde isch hämer doch au gleschteret - und tüends doch auch jetz na über vill idiotische brüokratismus -
wänn's neu iigfüert wird isch das mir doch glich öb de nachbar die glieche uflage scho lang mues iihalte oder öb ich de erscht seig...
drum find ich das nöd grad nett.... :o ;D
-
tztztz, da seit jo grad di rächt ;D
natürli passt au be üs nid alls allne in chrom, logisch hömmer au gläschteret - aber wäge dem
hani halt glich echli glachet.
grüessli s.
-
Isch irgendwer us en Kt. Züri? Ha vo me Pächterpaar ghört, wo immene Wohnwage huuse mues. ???
S' Verpächterpaar (es sind zwei Gschwüstersti, altledig) gun eifach nid us em Huus, wo zum Betrieb ghört.Und au im Pachtvertrag isch gschriibe, dass s'Huus dezu ghört.Jetz hends schinbar en Aawalt gho.Es gitt no anderi Sache, wo nid in Ornig sind.Die zwei tüen mir leid! :'(
Die zwei alte Lüütli hend viel Geld und chunn eso viel regle... :-\
Geld regiert d'Welt, das isch doch wieder emol typisch!!!
Für d'Tier gitts de Tierschutz, wer isch für d'Mensche zueständig? -- i dem Fall doch irgend en Pächterverband oder de Buureverband.Was meinend ihr dezue?
-
Hallo schweinchen7
Jo, i bi g'spannt was jetz döt witer lauft!
Merci für Glückwünsch zum Geburtstag! :)
-
@schweinchen7
Nei, persönlich kenn i die Lüüt nid, aber d'Schwöster vo ihm.
Dr ander Fall,wo du villicht im Kopf hesch, es isch der Trauzüge vo üs un sini Frau, sin o im Kt. Züri uf ere Pacht.
Döt gohts ebe o nid guet, us verschiedene Gründ.Die sebe zwei verlönd Ende März de Betrieb...
...un suchend halt wieder witter.
Per Zuefall isch beides im Kt. Züri und nu öppe zwei, drü Ortschafte vonenand.
Min Geburtstag isch ruhig verlaufe, mir machend jewils kei groessi Aareissig.Mir sin i ne Restaurant go esse gange
un so han i nid choche müesse. :)
-
Do letschthin bini z^züri gsi in ewigi liabi, nochdem das einta bernermurmeli sich in a engadiner murmeli verliabt het, bin i muksmüsli still gsi. z puplikum het grölet wo das engadiner murmeli uf bündnerisch gsunga hät, i hamer denkt jetz nu stilla si das niamend merkt das i au so reda ???
a liaba gruass usem bündnerland
-
Dangga schwinli siba
mis mul kan i fasch ni zua heba isch numa döt züri a bitz magari dr neba gsi :D
Maiarisli
-
007 schwinli
magari heisst miner meinig no, meine Meinung, oder eifach so, oder eba magari isch a alta usdruck heisst au, :D nu denn halt
maiarisli
-
Oh ja 007 Schwinli würd echt passe 8) ;D
-
Magari. Das find ich jetzt en glunge Usdruck. I ha mini alte Iteliänisch-Kenntnis usgrabe. Aber i gseh em Dix, dass s'iteliänische "magari" ned s' Gliiche meint, wie em Maierisli sis. Aber villicht sind si urspünglich doch irgendwie verwandt.
Was kenned Ihr soscht so für regionali Usdrück? Wüssted Ihr z.B., was "zäntume" heisst?
-
Also i wür säge, "zäntume" heisst bi üs "rundumi". Uf schriftdütsch rundherum, stimmt das ugfohr?
I nimme a, du bisch a Berneri, oder?
-
I nimme a, du bisch a Berneri, oder?
Nei, i chome z'mittst us em Aargau. Zäntume heisst überall.
-
Hallo Su
Tschuldigung, dass i di fasch platziet ho!
Ho grad o no en Uusdruck us miner Gegend: ötsches. Verstun ihr das?
-
;) ;D ;)Ich scho.... Bi üs set mer do dezue nebis..... aber ötschis isch zimlli nöch..
Grüessli esther
Spezielli Usdrück vo do: Läferi, zentume (kennet mer au ;)) Bralli, Pomeranze, Guggere, Schafreiti usw
-
Pomeranze chund das nit usem welsch?
-
Pomeranze chund das nit usem welsch?
das weiß ich nicht ... aber eine Pomeranze ist eine Zitruspflanze, oder das Lederblättchen auf der Spitze des Queus beim Billiard. Und eine Landpomeranze ist ein abfälliger Ausdruck für ein Mädel vom Land. Ein "Trampel" ... *mich mal hier einmisch* ;D ;D ;D
-
Hallo Freya
Du bisch halt Schwiizerdutschtainiert :D Jo e Pomeranze isch bi eus au es Tüpfi. Aber es chund vom Welsche. Mini Grossmuetter hät immer gseit: Donnerwetter Parablü! Parablü heisst Schirm uf französich aber mir schribts nit so :D ;)
-
Hallo Freya
Du bisch halt Schwiizerdutschtainiert :D Jo e Pomeranze isch bi eus au es Tüpfi. Aber es chund vom Welsche. Mini Grossmuetter hät immer gseit: Donnerwetter Parablü! Parablü heisst Schirm uf französich aber mir schribts nit so :D ;)
Meine Oma hat ganz offiziell zum Schirm Parapluie gesagt. Es gab damals ( Oma war Jahrgang 1885) noch viel mehr tägliche Ausdrücke aus dem Französischen. Kennst Du ein Chemisette ??? Ich sage auch immer noch "Portemonnaie", obwohl hier in Bayern der "Geldbeutel" eher üblich ist.
Was sagt ihr zu der "Börse" in der ihr Euer Geld umeinand tragt, wenn nicht grad im Hosensack ???
(P.S. .... ich bin international.... ;) )
-
hallo freya,
chemisette, isch das äs nachthämp?
zu dä "börse" sägäd mir portemonnaie.
aber dä hosäsack isch dä bi eu nöd d "hosentasche"? ;)
liebi grüäss
katrin
-
D Freya isch international 8) Ich säg au Portemonnaie. Ich glaub mir händ wohl einiges vom französich. Isch Hosensack nicht gsammtschwiizerisch. Ich kenn ömel kein anders Wort dafür
-
Wenn ich im Fremwörterduden luege, was do zu "Pomeranze" stoht, gsehn ich, dass das ursprünglech us em Latinische und us em Persische chonnt. Ond es sig en spezielli Orangsche, wo mer drus Orangschat macht. Ich bruuche zwar de Usdrock Pomeranze ned sälber, wörd das aber au mit Töpfi öbersetze.
-
Zom Portemonnaie säg i au Portemonnaie. Als Chend han i Nochbere gha, wo dere Sach "Gäldseckel" geseit händ. Das hätt mi emmer so dernäbe donkt, vor allem well mer mir immer gseit hät, dass mer ned dörf "Schofseckel" säge ond ergendwie het das för me zemli gliich tönt.
-
@romy und linda,
mir säged natürlich au hosäsack, aber es "töönt" halt ächli komisch, wän i emenä hoochtüütsche satz hosäsack stoot.
minere tochter muesi mängmol wörter vom französische uf tüütsch übersetze. do isch äs no eifach, i dä schwiitz. ab und zue chan ich ire sägä: das seit mä uf schwiitzertüütsch gliich, wie uf französisch. ;)
liebi grüess
katrin
-
Sali mitenand
Alli Pomeranzeöbersetzige stimmet, glaubi, ;D bi üs seit mer de Orange so... und s Portmonaie isch immer no de Geldseckel bi üs... aber eigentli isch es jo de Säckel weisch und Schofsäckel got jo weder nöd uf.... Hosesack isch es zwor nöd, aber nebis ähnlichs.... Oser, i hans jetzt gschrebe wie mers seit, chön er druf?
Grüessli esther
-
@romy und linda,
mir säged natürlich au hosäsack, aber es "töönt" halt ächli komisch, wän i emenä hoochtüütsche satz hosäsack stoot.
i lach mi chrum :D :D :D
-
...doch, ech weiss no es anders wort vo üsere gägend för hosesack: statt "steck das taschentuch in die hosentasche" sagen wir: "nemms s naastuech i bommper"
Bommper hani no nie ghört :)
-
Pomeranze chund das nit usem welsch?
das weiß ich nicht ... aber eine Pomeranze ist eine Zitruspflanze, oder das Lederblättchen auf der Spitze des Queus beim Billiard. Und eine Landpomeranze ist ein abfälliger Ausdruck für ein Mädel vom Land. Ein "Trampel" ... *mich mal hier einmisch* ;D ;D ;D
aber bitte freya - i mundart - so heisst die box..... ;D
-
i minere "chindheit" han ich na en potschamper gha im schlafzimmer .... ???
chunnt au us em franzenösische, aber ich übersetzes nanig.....
-
natürlich häsch rächt und mini mueter hat das wort immer brucht... -
pot - de - chambre..... - eigentlich im urpsrung es schöns wort...
es sind immer na e paar schöni us porzelan mit blüemli umegstande wo sie für alles mügliche prucht hät - vor allem als bluemetöpf...
-
Heiii Maggi schön bisch wieder do, jetzt muesch die usruhe und das kamer bsunders guet am PC ;)
-
halli hallo maggie, wie geits Dir? Wünsche Dir gueti Besserig u mach geng schön was dr Dokter u d Physio seit. ;)
-
halli hallo maggie, wie geits Dir? Wünsche Dir gueti Besserig u mach geng schön was dr Dokter u d Physio seit. ;)
das mues mer mir doch nöd säge -ich won immer eso brav bin....!!! ::)
-
jo schüscht müemer die a de nöchst JHV umeträge ;)
-
das mues mer mir doch nöd säge -ich won immer eso brav bin....!!! ::)
...ich glaub, das hani jetzt besser überläse ;)
liebi grüäss
katrin
-
das mues mer mir doch nöd säge -ich won immer eso brav bin....!!! ::)
...ich glaub, das hani jetzt besser überläse ;)
liebi grüäss
katrin
frächdachs.... ::)
-
....wiso.... ;D
-
, und im appenzellischen könne man wieder nacktwandern... :D[/color]
hoffentli hend die rächt... ;)
wo das die letscht wuche i eusere grosse tagesziitig gstande isch (schaffhuuser nachrichten - hät frühener emal "schaffhuuser intelligänzblatt" gheisse - die händs do i de stadt au na höch im chopf gha !!)
isch de kommentar de bi gsi, das das im kanton schaffhuuse erlaubt isch - und sie händ e gueti foti dini gha - 2 mänschlichi wese mit eme grosse rucksack am rugge - susch nüt - vo hine natürli...
das isch under em titel ufgfüert gsi - schaffhuse - s'chli paradies - das isch s'neuscht schlagwort wie d'turismusbranche eusi region wältwit wot verchaufe -
bis jetz hänts aber s'nacktwandere na nöd im programm gha -
das isch nu bi insider bekannt gsi, das es da kä puesse git wie im appizällerland...
aber det - im appizällerland - chönts ja über de barfuesswäg laufe und säge sie laufed ebe barfuess bis zum halszäpfli ;D
-
Es chonnt die Zyt, wo ned nur Ossländer Schwyzerdüütsch-Körs bsueche, sondern au d' Schwyzer sälber. Es cha jo bald niemer me rechtig schön Mondart rede. Schröcklech. D' Chend luege jo efang so vell hochdüütsches Fernseh, dass es jo fasch ned drofa chonnt, öb sie i de Gfätti (Chendergarte isch nämli au ned schwyzerdüütsch) au no hochdüütsch rede. Nei, du redsch jo fo de Spelgroppe, das esch jo no vorher, sorry (au so schwyzerdüütsch). Nei, em Aernscht, ich fende das absolut gschtört, dass mer je länger je weniger dörf rede we eim de Schnabel gwachse esch.
-
vor e paar wuche hani uf swr 4 e sändig ghört wo en sprachprof. vonere tütsche uni, gmeint hät, mer sett i de schuele eifach meh dialäkt zue la - nöd dass nur na e paar exote dieheime die "sprach" bruchid..
und hät d'schwiiz als vorbild anegestellt... -
und das grad jetz wo's überall mit dem mischt wänd aafnage..
also bi eus wird's i de spielgruppe sicher nanig iigfüert - die wo det "underichtet" macht das sicher nöd und hät sicher d'understützig vo de meischte eltere...
d'lehreri vo de 1./2. klass - i mim alter - hät sich vo aafang a de gäge gwehrt das si im turne und zeichne hochdütsch redi...
sie seit - ich cha doch nöd spontan reagiere, wän ich bim turne wider emal eis mues zur vernunft rüefe - das muess hop hop gha...
im chindergarte weis i leider nöd bscheid, aber ich hoffe sie isch au eso vernünftig...
-
also ich han scho vo eme chinzgi ghört, wos hoochtüütsch redäd mit dä chind. döt händ dän au t eltere gmeint, das sigi aläs gwönigssach. d'chind lernid das schnäll.
(das heist nöd, ich wäri defüer)
si händ aber au scho gseit, das chind, wo die erstä johr schwiizertüütsch und dänn i dä schuel hoochtüütsch redäd, wie 2sproochig ufwachsed. das isch doch au en vorteil.
stelled eu emol vor, i dä schwiiz redäd alli hoochtüütsch. das gäbi jo gar e kei wiz und missverständnis me zwüsched de kantöön. ;) das wär doch langwiilig...
liebi grüess
katrin
-
därf i als eini, vo ähne an de Gränze au mitschwätze??
Jedefalls wod i nur sage:
Löhnd des blos bliibe, mitm hochdütsch im Chinzgi!
Wiil bii üüs cha faschd keine meh alemannisch!!
Je widda weg vo de Gränze, desto schlimmer isch es!!
Nid emol mini eigene Chinda schwätze meh so wiä i, will diä viele hochdütsche d´Müedasproch ganz vodränge!
Übrigens:
Chinzgi han i fröia au imma gsait,
hütt sag i Chindagarde, will des diä Hochdütsche suschd nid vostoh däde!
LG Roco
-
natürli tärfsch du mitschwätze ...
ich freue mich immer vo dir z'läse...
mir händ früener auf gvätterlischuel gseit - wie witer obe öpper gschribe hät - aber scho zu minere zit isch es de chindsgi gsi - und hüt isch es ebe au de chindergarte...
-
Solli Schweinchen,
i bii au vo ähne an de Gränze- uff Basler-Rhifeldemer-Höhchi.
I dät sage, dass mir faschd gliich schwätze, nur d´Betonig hört sich ä weng anderschd aa!
Biim "Bauer ledig sucht" lüega, han i feschdgstellt, dass ihr Schwiizer und mir Alemanne mängmol 1 Grammatik im Satzbau grad anderschd umme hän- i weiß aba grad nümmi wel das es isch!
Züe üüsere Müedasproch-
i chönnt hüüle, wenn i sieh was alles volore ghort!
Strehl- isch hüt ä Kamm
Gugge ä Tüte
Guufe ä Nodle
de Chüebel ä Chessel
und imma so widda,..
chasch jo mol do lüege
http://stb.st.funpic.de/ (http://stb.st.funpic.de/)
do gits ä alemannisches Wörterbüech und sogar ä Quiz.
Wobei des -ohni äm Zämmehang im Satz-also nurs Word allei- garnid so eifach isch!
-
hoi roco,
ich weiss no früener hät üüs s'muetti (töönt härzig, gäll? ;)) immer gseit: sägäd gfälligscht summervogel und nöd schmätterling.
vor churzem hät mich min soon verbesseret. d chindergärtneri hegi gseit tiischert (t-shirt) und nöd tricot (franz.). und s liibli wo mier früener aagleit händ, weiss au niemert me, was es isch ::)
liebi grüess
katrin
-
Im Schmetterling säge mir plitschaplatscha kund vom Bergünerromanische ;)
-
@linda,
schad, da-n-i kei drs gloset han hütt.
dä monti chunt leider nöd zu üüs id region. die sind mee i dä tüütschä schwiiz underwäx.
ich würs gärn wider ämol gsee
liebi grüäss
katrin
ps. hoffentlich list din göga nöd mit ;)
-
Winke, wink morn am morge um vieri flüg ich mit mine Büürinne nach Florenz. Ich wink denn, wenn ich über euri Köpf flüg
-
hallo linda,
ich ha die sändig hüt morge i-n-ere widerholig uf sf info gsee.
do werded alti erinnerige wach.....
stell der voor, dä tobias wo jetzt 16ni isch, isch dootmaal öpä 2 gsii (ich han äs herzigs föteli vonem ufem arm vo sim vatter mit äm finger tüüf i dä nase obä :-X
liebi grüäss
katrin
-
hallo linda,
mit äm monti hät alles aagfangä.
ich han ämol irgendwo gläse, das mer chan ferie im monti mache. und ich als "zigüüneri" bi scho immer vom zirkus fasziniert gsii.
also han ich mich aagmeldet.
d'faszinazion isch plibä, drum bini ä paar joor spöter im gasser olympia go schaffe (döt isch us äme schöne traum fascht än alptraum worde)
nei, im ernscht. die zwee zirkusse chamä nöd mitenand vergliiche. im monti isches würkli wie inere grosse familie gsi.
im gasser isch dä schef mit sine "undergebänä" :-X
(immerhin bi-n-ich sit minere zirkusziit glücklich verhürotet ;))
liebi grüäss
katrin
-
Sauerei e soöpis, zerscht wird ghürote den kinder gmacht :-X ;D
-
romy,
törf ich euen hochsigstag wüsse und s'geburtsdatum vom eltischte !!! ;)
-
@maggie - sorry, mami
törf ich euen hochsigstag wüsse und s'geburtsdatum vom eltischte !!! ;)
;) 8) ;) törf ich dir di gliich froog stellä
nei ehrlich romy,
du bisch nümme a jour. i üüsne breitegraade isch es hützutags egaal öb d'eltere verhürotät sind oder nöd... ;)
liebi grüäss
katrin
-
romy,
törf ich euen hochsigstag wüsse und s'geburtsdatum vom eltischte !!! ;)
Hochziitdatum: 12.09.1981
Geburi vom Älteschti: 23.07.1982
So jetzt dörfsch rechne ;D Ha Tratiton nit fort gesetzt. Mini Urgrossmuetter hätt müesse hürota, mini Grossmuetter und au mini Muetter isch bim erschte nume füf Monat schwanger gsi ::) ;D
-
muesch mer aber nöd aagäh ihr hebed vorher nöd güebt... - das es eso gli klappet hät - ha jetz äxtra grächnet.... ;D ;)
-
Also in der Hochziitnacht, simer zerscht nebenenand glege und händ studiert und studiert - dänn hämer dänkt villicht müemer emol zerscht de Pfarrer froge, de isch aber nur ganz rot worde und hät gstaggelet. Denn simer ine sexshop und händ es Tandravideo gohlt. Denn hämer müesse de Dokter hole, will mer knöpf nümme uns de Bei und Arme brocht händ.
In der sexuallstund hani köhrt, das isch wie bi de Biene. Aber woni mit de Gufe cho bin, hät min göga afo schreie
Jo so zwei, drei Wuche häts scho duret bis mer gwüsst händ wies goht.
-
Hoi mitenand!
Wie gsiets mit euerem Hööwetter uus?
Mir hoffen ganz fescht, dass es bis am Mentigobet nid gu regne chunnt,
denn chönnten mir en rechte Rutsch vürschi mache !
Das mit dene Gwitter isch äll ä heigli Sach!!! :-\
-
bi eus liit en rächte plätz am bode - d.h. a verschidene orte -
am hoger, under de bäum und namal es stückli mit bodewäle und enere hampfle bäum - alles hochstamm und scho lang nüme gschnitte -
nur müend's es hüür e lei mache, bi na nig im schuss zum rächele - mit 2 stöck gaht das nöd e so guet....
und morn wird wahrschinlich nöd vil dra gmacht - göga und ich sind mit de eltere vom junior sinere fründin zum z'mittag bi de junge iiglade.... ich freu mir druuf -
aafangs monet isch sie däne iizoge !
-
hoi mitenand,
be üs sind's siit de viere ca. 10/15 mm im rägemässer inne. es rägnet aber immer no.
zeerscht häts gstürmt und es isch raabeschwarz gsi, aber zum glück isches ohni hagel
abechoo.
en schöne obed zeme.
grüessli susanne
-
Geschter obed hetts o bi üs g'regnet.S'wär guet wenn's e wili herhebe tät.D'Natur wür dangge!
Geschter simmer uf de Landfraue-Reis gsi.Uf dr Heireis simmer i Orte verbei gfahre, wos ziemli g'haglet het.
Üseri Reis het ins Fricktal gfüert, wil es Mitglied vo üs, döt ufgwachse isch.S' isch ganz schöe gsi, für vieli ganz
e unbekannti Gegend.
-
übrigens bi eus sind fascht d'trübeli und d'rhabarbere vertoret. bim mais wärs au nümme lang gangä!
und sälber wasser hemmer au fascht nümme gha. hend ebe sälber e quellä.
got sei dank isch de räge cho.
miär sind aber glimpflich devo cho, z.b. im napfgebiät hets ghaglet und glaub malters au.
eifach ei baum hets bi eus möge. aber de isch suscht scho am särble gsi.
aber ei birebaum wo suscht scho schräg gschtande isch, de hetzs de ned möge,he.
tschüss zäme vom lozärner land........
-
Hallo zäme,
gescht Obig hämmer en starche Sturm mit Hagel gha.De me als100 jöhrig Birebom häts umgno.Kriesi,wo bald rif
gsi wäred,mome nüme abläse.
Au mini Blueme liged am Bode.Aber zum Glück hätz de Hosta nüt gmacht,wils ame gschüzte Ort gstande sind.
T Obschtalag hämmer scho mit em Haglnetz teckt gha.
Trudi
-
Hallo zäme,
gescht Obig hämmer en starche Sturm mit Hagel gha.De me als100 jöhrig Birebom häts umgno.
Trudi
hallo trudi,
isch das dä baum wo du mit e sone schöni chart devo gschickt häsch - das isch würkli es toll s bild voneme baum gsi, aber tänk dra - schimbar isch er nüme eso guet im bode verankert gsi -
ich hoffe, das er name chriesi händ, aber wämer alli die arbet aalueget wo mer scho gleischtet hät, tuet's eifach weh - und ich weiss, nöd nu finanziell -
-
Jo Maggie,es isch de säb Birebom gsi,wo de Sturm umgno hät.Es isch aber no t Chrone abbroche,de Stamm stot no.
Er isch graglet vole Birli gsi.Aber Holz hät da ge,es langet sicher für de halbWinter.Zum Glück hani no e paar Fotene
gmacht,woner plüet hät.
Trudi.
-
Mir händ die ganz ziit uf de sturm gawartet. De ganzi tag händs schon im radio brocht vom megasturm. Schlussendlich hätts nume schnell es Sprützli geh. Hät nit emol glengt zum de Garte z sprütze. Ich glaub er isch no rechziitig nach Dütschland abboge
-
Zu uns no Dütschland isch de Storm it ko.
Mir hond Sunneschie ka.
-
Hallo Ihr Schweizerinnen, gehört viell. nicht hierhin, aber ich wollte kein neues Thema anfangen:
Meine Tochter sucht in der dtspr. Schweiz einen guten Tierarzt, bei dem sie ein 4 Wö Praktikum nä Herbst od Frühj2011 machen kann. GRoßtierpraxis. Praktikum im Tahmen des Tiermedstudiums.
Wißt Ihr jemanden?
-
Hallo Christel
es gibt hier schon verschiedene Tierärzte, wir sind mit unserem sehr zufrieden. Aber ob er Praktikanten nimmt weiss ich nicht. Vielleicht müsste sie sich mal bei verschiedenen melden. Such doch mal unter Google oder bei Telsearch.ch (online Telefonbuch) sicher wirst Du fündig. Hab noch was gefunden vet-look.ch/kanton dort sind Adressen drin.
-
Hallo swisslady und margrit, vielen Dank erstmal, habe es an meine Tochter weitergeleitet, berichte dann, was daraus geworden ist.
-
das isch emal e familie - die händ's sicher au gwüsst - und e käs wörtli gäg usse -
eifach toll.. - find ich au
-
guete n'abed,
weme eimol die puure-ziitig nid list, scho verpasst me de bescht artikel. hät en öpper gläse, vo und über üsi romy?
e kollegin hät mi gfroget öb da nid au eini sei wo i dem forum mitmachi. si hei so öppis gläse. uf da hi hani alli ziitige nomol durnuelet und bi fündig
worde. am 31. juli isches cho.
härzig gsesch us romy, so weme dich kennt miteme strahlende lächle. toll wa du alles machsch.
grüessli susanne
-
doch - ich has glaub gläse... - bi nüme sicher ....
-
Hihihi... Wenn ich schomol es Föteli ha woni einigermasse usgseh...! De Marco blöft rächt, will er das Foti gmacht hät. D Maria hät mer eifach es paar Froge gschickt und hät nächerd müeh ka das ganze zkürze ;) Weisch wenn ich emol afang zschriebe...
Ich selber has au nit gseh, aber mini Muetter hät mer aglüte und gseit e Nochberi heigs ihre brocht. Nächert isch es denn no im "Bündner Bauer" cho. Aber dört hät si glaub no es bitzeli meh müesse kürze.
Ich weiss das d Maria ab und zu mol do liesst. Ich versuech sie scho lang züberzüge das sie sich au ameldet. Viellicht macht sie es jo mol, sie isch emol sehr interessiert.
übrigens: De Bricht chamer nochläse uf euser Homepage www.bioberguen.ch (http://www.bioberguen.ch) Eifach zu "Romys Ecke" unter 'verschiedenes'
-
Jetz isch s'St.Galler Büürinne und Landfraue-Kochbuech o fertig! Es isch wunderschöe, vorallem o die passende Fotografie! Kompliment a die verantwortliche Fraue! Luegend e mol dri! ;)
-
Na Gott sei Dank !! :) Es fällt mir doch viel leichter Hallo Linda zu schreiben als Hallo Schweinchen ;) ;D 8)
Luna
-
hallo frauen,
hab wieder mal mein profil aktualisiert:
will kein "schweinchen" mehr sein... :)
nur damit ihr mich trotzdem noch kennt...
schweinchen7 ist jetzt linda7
oh - wie schaad - ich ha mir dich immmer eso schön roooooosa vorgstellt ....tschüss !!! - ich gang ;)
-
Gfalltmer au viil besser 8) ;D und siebni stoht für die 7 Zwergli wo in Öpfel bisse händ :D
Am sunntig gang ich in d ferie uf schruns. Aber nu für füf Tag. Denn müender mi wieder näh. ;)
passetmer es bitzeli uf de Stammtisch uf, das niemerd en chabis verzällt. ;)
-
s hät aber na kä schnee -
oder wotsch nöd go schki fahre ? ;D
-
nei nur schlofe, lese, in d sauna und guuuuuet esse ;)
-
da mues i tatsächlich au na an kiosk - wänn i morn i de "grossstadt" bin....
-
...jojo, die aaarme kioskfraue wider....die chömed emol wider nöd zum schnuuuufe..... ;)
-
Klar hani au mitgmacht.I wär scho mit einere Million zfriede.Wüer zerst alli offne Rechnjge zahle und nochher mit mim Ma e Reis uf Australie und Neuseeland mache.Wie würded ier eui Million verbutze?
Grüessli Monia
-
me hätt's doch au chönne ufteile: 350 x 100'000 wär doch gerächt gsi ;D ich hätt denn au es Biigeli gno...
-
mol de farmerin es grüessli - bin in irem dorf gsi...
mer sind gsi go auto aalugege - eifach so - mer hoffed zwar das euseri na lang laufed, aber mer weiss nie -
und drum hämer tänkt mer lueged emal - das choscht ja nüt und es iigklämts, z'trinke und chueche hätt's äna gäh....
en schöne abig
-
es grüessli zrugg über de Bärg - mir sind im Zoo gsi. Und mir gnüsseds je länger je meh, dass mir nümm uf d'Minute gnau müend zrugg si zum mälche...
-
i dem fall händ sich eui chüe guet a d maschine gwönt -
händ er alli chöne phalte oder händ er müese en kolleg sueche wo na "zur ziit milcht" ??
-
s'het ei einzigi (e chli alt - aber lang nid die Ältischti, di säb isch nämli scho 16 Johr), wo nid wott merke, dass si vo sälber cha/dörf goh mälche. Die "schickt" me denn halt am Morg eund Zobe während em Mischte. Alli andere händs scho ab em 2. Tag checket. s'hätt nid besser chönne goh! Villicht het's jo ghulfe, dass si vorhär e Wuche lang eifach händ chönne go Chraftfuetter frässe im Robi - s'hett dertig gha, die sind scho am erschte Tag 20mol go luege, öbs wieder öppis Feins git. Und nach dere Wuche händ mir denn eifach mol no d'Mälcherei zuegschalte. Da isch chli ufwändig gsi, will d'Elektronik zerscht bi jedere Chue het müess d'Lag vo de Strich usmässe abspeichere - aber nächhär: würkli kei Problem. Mir würded en kei Sekund meh härgäh!
-
da händ ir aber "gschidi" chüe - oder ebe s'chraftfuetter hät vorgschafft -
ich ha nämli emal ghört es chön bis zu 30% gäh wo s eifach nöd begriffe welled....