Thema: mundartgspräch....

[Romy]

Scheisse Esther! Do muesch aber nit ufgä. Ich weiss wie das isch, womer de neu stall händ wölle baue, grad hinter de chile. Do hät gmeind ganz schnell e umzonig gmacht. De ganz platz isch den grüenzone gsi. Sogar e büri hät gseit: die söllet witer hindere, es paar rechti schuh den isch de wäg scho zumuetbar. De Tat (SV) hät sich johrelang ufgopfered für gmeind. X-johre isch er gemeindepräsident gsii ehrenamtlich. Wo de bau vom neue stall abglehnt worde isch, ischer ufgstande und zum gmeindsaal us, so enttüscht isch er gsii.

Längt den es ToiToi nit? Lauft bi euch no alles in güllekaste? Also bi eus in Preda häts jo es hotel. Dört lauft no alles in bach. Es isch zum devo laufe, bi jedem Maiensäss wird e ugschrei gmacht, aber bim hotel isch alles ruhig. Aber er isch au lang in gmeindrot gsesse.
hoffentlich kund das no guet. Nit ufgäh du muess dene so richtig uf de geist go, immer wieder dirre bis es ihne verleidet und endlich nohgänd.

[milu]

Soli,
auch ich lese hier ein bisschen mit, auch wenn ich aus Norddeutschland komme. Das meiste versteh ich auch, oder kann es mir zumindest herleiten, aber hier  muss ich passen:

grad hinter de chile.

wo wolltet ihr bauen?

Liebe Grüße,
Milu

[Helen]

@ milu
hinter der kirche

[Helen]

Hallo Esther
i dänke mängisch, dass, wenn me korrekt vor goht, i dim Fall mit allne Mäldige usw., me derfür gstroft wird. Chönnt jo fascht heisse, dass wenn me eifach mol öpps macht, me denn so lang witer macht, bis me verwütscht wird. Uf all Fäll, mache das vili so.
I wünsche Dir ämmel viel Durchhaltevermöge.

LG Helen

[züsi]

hoi zeme,
hönder hüt au so heiss gha?? ich ha möse maisrähmli go ufhenke - boaah - mich häts schier überschtellt.
aber hüt obed gsehts scho wieder noch gwitter us. es het vorig scho tunderet.
hoffetlich chunts nid zwüescht.
en schöne obed no - susanne

[züsi]

esther, ich ha etz grad din biitrag gläse wägem beizli. bi üs usse isches au nid besser, z'Ramse het eine wele so
e besebeiz mache aber am schluss hät er ufgeh, es isch em schlicht und eifach z'blöd worde. weisch mengmol
denki es wär gschider (wenn au nik korrekter) weme eifach miech und wür warte bis sis merked. denn chönd's
zerscht emol tüüf schnufe und luege was am alle wend für uflage mache. letscht endlich isch es jo vilmol blos
de fueterniid vo z.b. de beizer wo finded wenn si möied denn söle di andere au. ich wünsch der vil glück und eifach
solang zwängele bis ene verleidet.
wünsch der trotzdem en schöne obed - züsi

[maggie]

so jetz muess i na under t'duschi -

am 4 chömed turner vo frauefäld hei und dänn git's na es bombe fäscht -hoffentlich.....
zum glück chömeds eso früe, dänn sinds villicht na asprächbar (bös bi - aber ich käne die kärli (männlein und weiblein       !!!)

[esther4]

Ja ihr Liebe...
Es isch hert, geschter sind gad en Hufe bi üs am us döre glaufe.... Mer sieht jo all no, dass nebis het, d Frisco Fähnli nimmi nemli nöd abe, aber sös döri gär nüt, drum laufets au döre, sie lueget zrugg stönd here disskutieret laufet es paar Schritt witer und lueget nomel zrugg. Scheibenkleister, weni Tafle " Heute offen" chönt here stelle, wäri voll beschäftiget gsi....
Jä nu, i bi am luege, han aber no nöd recht Zit gha, es muess nemli nebis go und zwor Gsamtschwizerisch. I bi am Brief schriebe, und irgendwenn, glangi mit dem au a eui... I hoffe denn uf Mithilf und zwar för alli Puure nöd nur för üs.... Es chan nöd si, dass di einte Aemter en hufe Gelder gsproche öberchön ( Agrotourismus) di mit dene Gelder schaffet und anderi Aemter machet nöd mit, und alles verpuffet im Nirgendwo...
Also weni denn mol parat bi, glangi a eui....
Grüessli esther

[Romy]

was gänds den füren Grund a, dass Toi Tois nit gönnt? Begriff ich echt nit. Du muesch säge, dass es jo nu saisonal isch. Du muesch doch s gliche rächt ha wie alli andere do. Jedes fest hät jo so Toi Tois und die sind au super und hygienisch. So öpis kann eim grüen und blau ärgere 

[esther4]

Sali Romy
Es isch so nebis vo konfus, das glaubsch gär nöd, wäri en Alpbetrieb wärs eifacher. S Toi Toi erlaubets mer nöd wills dusse mösst here gstellt werde. Säge tüends jetzt es sig will alles zäme chöm, aber es chunnt halt alles zäme wills um das Wc und  fremd Bschütti got. Wenn mol irgend wer jo gseit het, isch glich wos agfange hettet, wärs nu halb so schlimm. ich het jo im Hus sogär 2 WC chönnts scho umfunktioniere zumene Gästewc, denn chunnt aber weder, dass mer nöd ade Kanalisation sind, und das isch no fascht massiver, Fremdbschütti döri nöd ha i mim Betrieb. Denn hend mers Gaschwirtschaftspatent nöd geh, willi d Aforderige nöd erfülle, chani nöd willi keis WC oder kein Kanalisationsaschluss han. I han d Umnutzig igeh för de Schopf, hani nöd öbercho au usem gliche Grund, und willi die Umnutzig nöd öbercho han, hani mitem Lebesmittler au no Puff öberecho, willi jo het sölle im Schopf umewürge, sprich Doppeltrog laufend Wasser ( heiss und chalt) ...isch eifach alles ein Trüller und ei Spirale. Jä nu, es isch eifach scho so, dass mer jetzt muess luege, dass das mol irgendwo hört. Will uf das Rumplanigsgsetz here hets weleweg nomenge wo meint sig ganz eifach, irgendöppis azfange 
Grüessli esther

[maggie]

ich fröge namal na -

also will ir e kä kanalisation händ, törfed e kä fremdi go "brünzle" bi eu... - sind dänn die da z'sangalle ob ganz vo allne guete geischter verlah... 

jetz sett mer für e bäsebeiz e chliklärgrueb iirichte - oder am netz aaschlüse, nimmt mich aber scho wunder öb das im kanton schaffhuuse au so ghandhabt wird -   

da weiss ich nämli vo 2 betrieb mit bäsebeiz wo sicher nöd a de kanalisation sind - det gaht sicher au alles is gülleloch.... - und alpbetrieb hämer ja im kanton schaffhuse nur eine und die händ e rächti beiz und sicher e klärgrueb... - aber das isch öppis anders.....

also wänt hilf bruchsch - ich understütz di ganz sicher - und wämer die müend mit briefe bombardiere....

immer heisst's - sind inovativ - sueched nischeprodukt - und wänt nöd wotsch en huufe gäld dri stecke - dänn chasch es vergässe...

vill glück esther -....

[züsi]

maggie, mach de no ka illusione - be üs sinds nid besser!
drum nomol - nid zvil frooge - eifach mache, drufacholoo und wenn'd schwein häsch märkeds es lang nid.
grüessli züsi

[Romy]

Das mit de Frömdpschudig isch glaub ich Schwiizwit. Du darfsch kei Pschütig vo Frömde uf d Wiese tue. Alli äussi Maiensäss wo e Pschütigrueb händ, müend abgsugt werde und den in Kläralag gfühert werde.

[esther4]

Ja smile Romy
genau so isches.... öppe amene Ort weret d Auge eifach meh zue tue als amene aneder Ort....
Denn chunnt dezue, das d Aras nöd öberall glich reagieret, öppe e Ara nimmt Bschütti a öppe eini halt nöd. Döt glaubi müemer jetzt asetze, drum sägi, es chan nöd si, dass weg so Sache üsi inovative Landwirt igschränkt weret. Ebe nöd nu i, sondern vieli anderi au... das git mol es Riese Puff, wenns das Rumplanigsgsetz umsetzet.... vor allem, s Gsetz isch jo zerscht, d Verordnige dezue weret jo jetzt denn erscht gstaltet, und do muemer jetzt luege dass öppis got.Denket an all die Alphütte usw.
Usserdem, s Gwerb und Gaschtro müend jo viel meh Angscht ha, wenn wörkli gilt was jetzt amene Ort stoht.... Jedi Besebeiz "muess" ad Kanalisation.... di abglegne Höf und ebe au Alpe sind s gwohnli nöd, also isches eher i Zivilisationsnöchi eso, sprich, Konkurrenz wert doch so viel grösser.... di abglegne störret doch viel weniger und weret jetzt eso am meischte ploget... und halt, es chunnt druf a wers isch und womer wohnt... chas nöd si ? oder?
Grüesli esther

[züsi]

haaloo,
me liest so nüüt me i de schwizerbox. sinder alli am heue oder ernte??
be üs rägnets scho wider - s'isch wider mol churz schöö gsi, aber di halb arbet für d'chatz. alles gmädlet aber
bloss d'helfti chöne presse.
en schöne obed mitenand
susanne