Bäuerinnentreff
Schweiz / Österreich => Schweizer Stammtisch => Aktuelles aus der Schweiz => Thema gestartet von: Romy am 24.04.10, 15:02
-
Und wiiter gohts wie üs de Schnabel gwachse isch.
Die ander Box isch leider voll. Drum hani die Schribpause grad gnutzt.
Bi eus isch au endlich Früehlig. Zwar sind Tulpe nonig dusse, aber Blätter si scho gstosse. Und hüt isch zum erschte mol wieder richtig warm - letscht Wucheend hät's jo no gschneit
-
und bi eus isch es hüt wider ehner heiss - d'sunne brännt nu eso vom himmel -
mittwuch und dunnschtig isch es schaurig chalt gsi - dezu hämmer na d bise gha wo n is fascht furtblase hät
-
Mir sind eigentlich froh, dass mer so lang schnee ka händ. So isches bi eus no recht nass. Aber scho s tal deruss gsehts recht troche us. Die sunnehäng chömed gar nit recht zgrüene. Es bruchti mol e richtig schöne, lange, warme räge. Denn explodiert d natur
-
Hoi zäme,
jo,denn wili au wider emol öpis schribe. Nöchste Fritig simmer 50 Johr ghürote,e langi Ziit.Mir mached aber erst am
Pfingstsunntig e Fäscht.I ha denn au min 75.
Bi üüs redets scho vom heue,obwols nonig vil Gras hät.
Trudi
-
Hallo Trudi
wenni grad dradänk: Din brief isch den acho gäll. Danke viil mol!
-
grüezi trudi,
schön dass du dich au emal wider mäldisch - ich tänke öppe a dich -
aber ich hoffe ihr fiired am fritig glich e chli - ich gan meischtens mit mim ma elei go z'mittag ässe - oder z'nacht ...
aber es isch normalerwiis mini initiative...
dänn wünsch ich eu a de pfingschte e schöns fäscht...
-
salli Trudi,
Ich wünsch Dir und Dim Ma äs ganz schöns Fescht mit ville liebe Gäst!
Alt wärde isch kei Verdienscht, aber mä het doch scho vill Klippe zäme umschifft!
So darf mä sich sicher au drüber freue und ä Pause zum Zruggluege ischalte!
Mir und mim Ma fehle no 7 Johr bis zur goldige Hochzit - do cha no vill passiere!
Hildy
-
Ich wett nur schnäll mini Freud mit "öpperem" teile. Eis vo mine Bilder isch bim Fotowettbewerb unter www.landwirtschaft.ch im Publikumsvoting under di erschte 10 cho. Das würd bedüte: en Guetschii für "Ferie uf em Puurehof". ;D ;D ;D
http://www.foto.landwirtschaft.ch/sieger/votingsieger.html
-
Wör schono gern wüsse weles foti denn vo dier isch liebe farmeri.
Aber i gratulier dier au sust und freu mi füer di.
Grüessli Monia
-
hei farmerin -
toll gseht dies bildli us... - und wohi gönder i d'ferie - bliebed er grad di heim ??
d'frega bütet au ferie uf em puurehof a - si händ milchchüe - das wär doch öppis für eu !!! :o
-
@monia: "Flammen"
@maggie: s'Wälschland würd mich gluschte, sind mir no nie i de Ferie gsi. Und: mini Chline zwei händ gmeint, ich heb jo sowieso s'ganz Johr Ferie..... ;) - do chönnt i also guet do bliibe
-
Also ich hätti auf für Flamme gstimmt. Findi öpis ganz bsunders 8)
-
Hallo ier liebe Landfraue
Händ ier au scho vom Hoftheater kört? Isch e Theatergruppe wo uf verschidne Burehöf vo de Schwiz
spielt.Mier sind bi de Prömiere in Schwanden GL gsi.Es hät üs mega gfalle.Chönds nu wiiter empfehle.Gönd doch mol uf www.hoftheater.ch go luege wos no spieled.Me cha sich döt au direkt amelde.
Liebs Grüessli und no en schöne Muetertag Monia
-
Uiii die chömed au nach Untervaz :) aber unsgerechnet am 28. den hanni Paryservice ::)
-
Hallo ier liebe Landfraue
Händ ier au scho vom Hoftheater kört? Isch e Theatergruppe wo uf verschidne Burehöf vo de Schwiz
spielt.Mier sind bi de Prömiere in Schwanden GL gsi.Es hät üs mega gfalle.Chönds nu wiiter empfehle.Gönd doch mol uf www.hoftheater.ch go luege wos no spieled.Me cha sich döt au direkt amelde.
Liebs Grüessli und no en schöne Muetertag Monia
ich ha mers au scho überleit - si sind au im chläggi äne -.
aber - am 3. juni hani leider au scho öppis anders... - phäääää
-
Ich glaub emol sinds in de Schwiizer Illustriert gsi
-
i ha äuä öppis verpasst, d Linda7 fingeni niene meh, het sie sich abgmäudet het öpper öppis ghört. Oder het si ä nöie Name? ???
-
ich ha mi zum E-banking agmeldt und hüt zerst mol drei Rechnige zahlt übers Internet.
Irgendwie hani es saublöds Gfühl ka debi. Wie wenn i amene Ort bin woni nit dörf. Und en hureschiess hani kah dass i öpis falsch mach. ::)
-
isch doch gar nid so schlimm romy, i finge ebanking öppis sougäbigs
-
romy - das isch doch s'bescht - ich ha geschter ... phuuu - und wievill gält hani wider müese umeschiebe ...
chasch ja morn im konto naaluege öb alles io isch, susch lüütisch uf d'bank aaa und die hälfed der scho ornig mache ....
aber das wird ja nöd nötig si - wänn ich das chan !!! :D
-
Im ä nä monät wirsch di fragä wiä han ich das früänär numä gschafft, schnäll nachchäluägä öbs geld drufää isch, schnell ä zalig machä, schnell öbis nachforschä.
-
I be au sones greenhorn (esch das jetz schwizertütsch??) e ibenking. Ha zwar alli onderlage deheim, aber am fritig nomol e zahligsuftrag usgföllt, weli eifahc ke zit ha zom mi om nöis züg kömmere. Mini Pürinne ond Landfraue halte mi zemli of Trab, derzue no en jonge Hond, do lit nömme vell anders denn!
-
;D also ich ha scho aglüte und de netti Herr hät den glueged öp alles richtig isch. Ich ha aber für die einti Zahlig scho vier nummere brucht ;D
Eigentlich hanis gmacht wägem Internetshop. Wenn öper nomol bschtellt wo innert eme Monat scho mol hät, hani müesse nofroge öb de scho zahlt hät. jetzt chani sälber noluege 8)
-
Super Romy, denn chönsch au luege, ob mi Johresbitrag scho acho isch!
Hildy
-
Jo das luegi hüt grad - muess eh Rechnige zahle. Also wenn si zrugg chund: Mir händ fusioniert, es heisst jetzt nümme Raiffeisebank Albula sondern Raiffeisebank Mittelbünde. Will gestert hätmer d Annette am Schalter geseit ich dörf die Izahligsschien nümme bruche. Aber ich denk e wil lauft das scho no.
-
eusi raiffische hät scho e paar mal de name gwächselt - eimal wäge fusion und s'2.mal will s uf schaffhuuse händ wele expandiere - dänn hät mer müese de name schaffhuse näh
ich weiss gar nüme wies zerscht g'heisse hät nöd raiffise "bank" sondern - dänn raiffise bank begginge, dänn raiffise bank schlaate (schleitheim) und jetz raiffisebank schaffhuuse ...
d'nummere hämer immer phaltet - erscht sit iban isch hätts vorne namel e paar zahle meh....
es isch mer wider in sinn cho - z'erscht hät si gheisse raiffise "kasse" - he ja es ja nur es chlises bankinstitut gsi....
-
bi eus häts zerscht gheisse RaiffeiseBergün den Raiffeise Albula und jetzt Raiffeise Mittelbünde. Aber erscht bim letschte zämeschluss hämer do e gröberi nummereänderig becho.
Hildy ich lueg morn noh gäll, bin hüt nümme dezu cho zum izahlige mache
-
Ich zahlä mini Rächnigä scho lang ubers I-Banking und weiss eigentlich gar nimmä wiä das suscht funktioniärt. Jetz isch miär aber eppis mega pinlichs passiärt. Ich bi frisch Kassier vo ihsem Landfroiwäverein und ha natirlich sofort s I-Banking beaträid. De mios ich uf mim Benutzerkonto bi dr Riffisä nummä s richtig Bankkonto aklickä bevor ich zahlä. Jetz ha ich dumms Hiohn aber dr letscht Landfroiwäkurs vo mim Privatä Konto zahlt :P :-[ :-\. Diä Kursleiteri wo s Gäld ubercho hed isch uisgrächned ihsi Rächnigsrevisorin und ich bi erscht sittem Januar Kassier :-[ :-[ :-[.
-
ui pinlech, i ha gar nid gwüsst dass du o schwizere bisch, äs tönt so nach innerschwyz, oder liege ig falsch? ;)
auso pinlech wägem i bänking, nid wüu i nid gwüsst ha vo wo du chunnsch
-
Wie isch das eigentlich chamer d reihefolg vo dene Kontis wechsle? Bi mir chund zum bischpiel immer zerst s Liegeschaftskonto automatisch. Aber mit em Liegeschaftskonti schaff ich jo fast nie. S meischt goht über s Mitgliederkont. Ich muess au ufpasse wie en Heftlimacher dass i nit vom Liegeschaftskonti abbuech.
Drum passiere doch so doofi Fehler
-
ich find das mit derä fählzahlig nid so schlimm, besär als umkert.
bi anerv würd ich nach äm dialäkt uff ob- odär nidwaldä tipä
d reihäfolg bi dä konti isch miär ä nid ganz klar, einisch so, dän wieder so dunkts mi
-
bi mir isch immer s Liegeschaftskonti zoberst - aber ich has au nonig so lang. Muess mol Mame vo de ST froge, die schafft bi de Raiffeisenbank
-
irgendwo im hindergrund chasch du d'reihefolg chere - ich weiss jetz au nüme wo -
lüt doch uf d'nummere au wot du uf de sicherheitscharte häsch - oder maches mit sms - chan ich leider nöd, will de junior au öppe is konto ie wott und per sms chasch nur 1 handy nr. benutze -
ich mache mini zahlige ebe diräkt über d'buechhaltig (sbv) und det hani chöne iige welles das s"hauptkonto" isch, dänn chunnt imer das füre - nur mues i uufpaase wäni e rächnit wot über d'cliäntis zale ...
bi eus isch ebe au s'baukonto zerscht, aber wil ich nöd vill diräkt ie gah, hani mer na nie ziit gnah zums wächsle -
andersits - sind ja eifach i de reihefolg und ich mues eifach s'2. aklicke -
bi eus hänts es gar nöd gärn wämer zalige über's mitgliderkonto macht - mir händ säb nur als "gäld i warteposition" - hüt spilts zwar kä grossi role meh, für de normali zaligsverchehr hämer es sog. agrarkonto ....
und uf em mitgliderkonto chömir ebe pro kaländermonet "nur" 10'000.00 fr. abhebe - und mängmal hämer ebe doch e chli meh rächnige - grad de letscht monät - si händ en neue düngerstreuer kauft, dä hät scho fascht eso vill koscht ....
mer händ müese en grössere ha, zum iistreue im pouletmaschtstall, die strohpellets sind ime 500 kg bicbac und sind eso liecht si händ im alte nöd platz gha - dä hat ja zwar au scho sini jöhrli uf em buggel gha....
-
A nei, mir mache alles über Mitgliederkonto das händs üs so empfohle. Dört kanni bis zu 50000 abhebe im Monet. Für s andere hämer Sparkonto. Wenn i e Maschine kauf, denn sägis eifach vorher und den gohts au
-
Miär hend numä äs Mitgliederkonto und dert druber machi allis. Da chani Zahligä machä bis nimä druffä hed, und Hoiptsach Zahlä wärdid niä rot! ;)
Ich chumä urschpringlich vo mittst i dr Schwiz aber wonä nimmä dert, bi ä tschiffeler ;D
verena