Mundartgspröch zum Zweite

[Romy]

Und wiiter gohts wie üs de Schnabel gwachse isch.

Die ander Box isch leider voll. Drum hani die Schribpause grad gnutzt.

Bi eus isch au endlich Früehlig. Zwar sind Tulpe nonig dusse, aber Blätter si scho gstosse. Und hüt isch zum erschte mol wieder richtig warm - letscht Wucheend hät's jo no gschneit

[maggie]

und bi eus isch es hüt wider ehner heiss - d'sunne brännt nu eso vom himmel -

mittwuch und dunnschtig isch es schaurig chalt gsi - dezu hämmer na d bise gha wo n is fascht furtblase hät

[Romy]

Mir sind eigentlich froh, dass mer so lang schnee ka händ. So isches bi eus no recht nass. Aber scho s tal deruss gsehts recht troche us. Die sunnehäng chömed gar nit recht zgrüene. Es bruchti mol e richtig schöne, lange, warme räge. Denn explodiert d natur

[Trudi]

 Hoi zäme,

  jo,denn wili au wider emol öpis schribe. Nöchste Fritig simmer 50 Johr ghürote,e langi Ziit.Mir mached aber erst am
  Pfingstsunntig e Fäscht.I ha denn au min 75.

  Bi üüs redets scho vom heue,obwols nonig vil Gras hät.

     Trudi

[Romy]

Hallo Trudi
wenni grad dradänk: Din brief isch den acho gäll. Danke viil mol!

[maggie]

grüezi trudi,

schön dass du dich au emal wider mäldisch - ich tänke öppe a dich -

aber ich hoffe ihr fiired am fritig glich e chli - ich gan meischtens mit mim ma elei go z'mittag ässe - oder z'nacht ...
aber es isch normalerwiis mini initiative...

dänn wünsch ich eu a de pfingschte e schöns fäscht...

[hildy]

salli Trudi,
Ich wünsch Dir und Dim Ma äs ganz schöns Fescht mit ville liebe Gäst!
Alt wärde isch kei Verdienscht, aber mä het doch scho vill Klippe zäme umschifft!
So darf mä sich sicher au drüber freue und ä Pause zum Zruggluege ischalte!
Mir und mim Ma fehle no 7 Johr bis zur goldige Hochzit - do cha no vill passiere!
Hildy

[Farmerin]

Ich wett nur schnäll mini Freud mit "öpperem" teile. Eis vo mine Bilder isch bim Fotowettbewerb unter www.landwirtschaft.ch im Publikumsvoting under di erschte 10 cho. Das würd bedüte: en Guetschii für "Ferie uf em Puurehof".
http://www.foto.landwirtschaft.ch/sieger/votingsieger.html

[monia]

Wör schono gern wüsse weles foti denn vo dier isch liebe farmeri.
Aber i gratulier dier au sust und freu mi füer di.

                 
                       Grüessli    Monia

[maggie]

hei farmerin -
toll gseht dies bildli us... - und wohi gönder i d'ferie - bliebed er grad di heim ??

d'frega bütet au ferie uf em puurehof a - si händ milchchüe - das wär doch öppis für eu !!!   

[Farmerin]

@monia: "Flammen"
@maggie: s'Wälschland würd mich gluschte, sind mir no nie i de Ferie gsi. Und: mini Chline zwei händ gmeint, ich heb jo sowieso s'ganz Johr Ferie..... - do chönnt i also guet do bliibe

[Romy]

Also ich hätti auf für Flamme gstimmt. Findi öpis ganz bsunders 

[monia]

Hallo ier liebe Landfraue
Händ ier au scho vom Hoftheater kört? Isch e Theatergruppe wo uf verschidne Burehöf vo de Schwiz
spielt.Mier sind bi de Prömiere in Schwanden GL gsi.Es hät üs mega gfalle.Chönds nu wiiter empfehle.Gönd doch mol uf www.hoftheater.ch go luege wos no spieled.Me cha sich döt au direkt amelde.

                                Liebs Grüessli und no en schöne Muetertag               Monia

[Romy]

Uiii die chömed au nach Untervaz  aber unsgerechnet am 28. den hanni Paryservice 

[maggie]

Hallo ier liebe Landfraue
Händ ier au scho vom Hoftheater kört? Isch e Theatergruppe wo uf verschidne Burehöf vo de Schwiz
spielt.Mier sind bi de Prömiere in Schwanden GL gsi.Es hät üs mega gfalle.Chönds nu wiiter empfehle.Gönd doch mol uf www.hoftheater.ch go luege wos no spieled.Me cha sich döt au direkt amelde.

                                Liebs Grüessli und no en schöne Muetertag               Monia

ich ha mers au scho überleit - si sind au im chläggi äne -.

aber - am 3. juni hani leider au scho öppis anders... - phäääää