mundartgspräch....

[maggie]

i dem fall händ sich eui chüe guet a d maschine gwönt -

händ er alli chöne phalte oder händ er müese en kolleg sueche wo na "zur ziit milcht" ??

[Farmerin]

s'het ei einzigi (e chli alt - aber lang nid die Ältischti, di säb isch nämli scho 16 Johr), wo nid wott merke, dass si vo sälber cha/dörf goh mälche. Die "schickt" me denn halt am Morg eund Zobe während em Mischte. Alli andere händs scho ab em 2. Tag checket. s'hätt nid besser chönne goh! Villicht het's jo ghulfe, dass si vorhär e Wuche lang eifach händ chönne go Chraftfuetter frässe im Robi - s'hett dertig gha, die sind scho am erschte Tag 20mol go luege, öbs wieder öppis Feins git. Und nach dere Wuche händ mir denn eifach mol no d'Mälcherei zuegschalte. Da isch chli ufwändig gsi, will d'Elektronik zerscht bi jedere Chue het müess d'Lag vo de Strich usmässe abspeichere - aber nächhär: würkli kei Problem. Mir würded en kei Sekund meh härgäh!

[maggie]

da händ ir aber "gschidi" chüe - oder ebe s'chraftfuetter hät vorgschafft -

ich ha nämli emal ghört es chön bis zu 30% gäh wo s eifach nöd begriffe welled....