mundartgspräch....

[maggie]

jetz fang grad ich, mit minere züri schnurre uf dialäkt a schriebe - villicht verstönd dänn die meischte was "gschieds" da drin staht -
mer seit ja - mir hebed e kän dialäkt, das seg eifach es mischmasch.. - aber ich glaube bi mir isch es nanig e so schlimm, ich chume imerhin us ere rächt wiit zrugg verfolgbare züriseeklicke (das isch aber nöd mundart, aber ich finde e käi anders wort !! ) -

natürli isch min dialäkt e chli abgschliffe - über 30 jahr schaffhuuse - halbi schwabe wiemer seit - pst - säged's nöd wiiter - die im grosse kanton äne wämer ja nöd vertäube... - wänn's das überhaupt verstönd....

so - jetz sett i wider minere wösch go luege - mues hüt z'abig namal in uusgang - go schaffe....
mer händ turnfäscht - im nachberdorf - und die 2 verein händ de aalass zäme organisiert -
mir schaffed und die andere befeled...!!

[Maria K]

Hallo Margrith,

dann wünsch i dir viel Spaß hüt obed

un id daß meinsch-i verstand di guet

wenn i au us Schwobe bin.......))))))))

liebe Grüeß an rande duure

Maria

[züsi]

hei maggie,
wenn da abgschliffe isch we du redsch wett ich jo mol ghöre wes original tönt.
für mich isch da immer no e reini zürischn....
nüüt für uuguet und en schöne obed
wünscht susanne

[Romy]

I red jo au kei reins bündnerdütsch. Es bitzeli aargauer, es birebitzeli berner und halt no igstrickts bündnerdütsch. Aargauer sägit i red bündnerisch und bündner säget "du kusch aber nit vo do"
Also am meiste müeh hani mit em baaslerdiitsch. Das ist hurebreit und träg. Debi hani emol en schatz gah vo basel   aber de hät jo nit müesse rede nur küsse  

[Swisslady]

e wie isch das schön soviu schizerdialäkte, aber äs isch gar nid so ifach eso zschribe, wüu im mir angersch gwanet bi.

vori isch grad üse Jüngscht vor Jungschi hicho, Menschenskind wie dä usgseht, flotschnass u dräckversprützt, Chlider u Giu hani du grad id Wösch da, d.h. d Wösch id Maschine u dr Giu unger Dusche, jitz het är grad grüeft i müess cho dr Rügge fäge. A ja d Gummistifu si wasserdicht- ds Wasser isch innedrinne u cha nümm use, zum Glück het me hüt müesse aführe so wärde de die Stifu mit Zittige u Wärmi doch no troche.

U jitz hit Dir mis briittätschte Bärndütsch verstange???

Schöne Abe zäme

A ja Romy dÌdee vom Schwizerstammtisch isch eifach super, danke für dini Initiative.

[Trudi]

Denn wöti gärn no öppis im Thurgauer Dieläkt schriibe.me seit,üsen Dieläk verstömm
 überal.Aber,wüssed ihr,was e Züche isch,oder wa heisst überex.

  Oder e Zaane voll Saapfe d Laatere derab schlaapfe.

  Trudi

[maggie]

  Oder e Zaane voll Saapfe d Laatere derab schlaapfe.

  Trudi

e zaane voll saapfe d laatere ab schlaapfe - das seit me au de "schlaatemer" na - mine nachbere une am bach....

[Swisslady]

oh Trudi, so ganz aues verstani nid, o we mis Grosi isch ä Thurgouere gsi.
was sy de Saapfe oder was bedütet Züche?

[Jacqueline]

Also, ich ha eiguntlich Mihä walliserdiitsch zschribu und derzeü no läsu. Vergäss, dass ...

Doch ich ka scho versüchu ä so z'schribu wi mähr Z'Mül gwachsu ischt.

Ich weiss, das D'Jungu vo hito gäru unnerand schizzerdiitsch schribund, doch ich has nie so richtig glährt.

Doch äs ischt ä güäti Sach emal dermit azfah.

[züsi]

Hallo Jacqueline,
bi zwor scho rächt alt, aber üseri schproch eignet sich guet zum dialekt schriibe, mir
hönd i de schuel scho so mitenand zädeli gschribe (und gedicht)
e zaane voll saapfe seit me im chläggi, be üs wärs blos e zeinle voll seife, aber wa isch
e Züche, Trudi??

grüessli susanne

[Trudi]

Hallo Swisslady,

  Züche isch e Schublade bi de Komode,oder au Zücheli bim  Chuchichäschtli.
  Und Saapfe sind Seife.
  I wött aber no säge,das diä im undere Kanton,also bi Diessehofe scho rächt de Schaffuser-
  dielekt agno händ. Und mir im obere Teil vom Kanton eigetli scho chli Sanggalered.
  Trudi.

[hildy]

Was hani do ghört - es hett öpper Müehi mit em Baseldütsch! Romy villicht merksch, dass ich it vo Basel chumm, ä so anderscht als im Fricktal schwätz ich  au it!
Mis Heimetdorf isch jo ganz vo Fricktalerdörfer umgeh!
Aber natürlig het mi neui Heimet auch scho abgfärbt - "it" säg i jetz ender sälte - do heisst das nid!
Ich bi au nid gwohnt, Dialäkt z'schribe, ämel nid in Briefe!
Bi Gedicht isch das wider öppis anders!
Uf jede Fall wirds däwäg eifacher, usezfinde, wohär jedes chunnt !
Hildy

[Romy]

Also hildy mir Aargauer redet doch kei baaslerdiitsch 

[gundi]

Sitzen ein Preuße, ein Schweizer und ein Schwabe im Zug.
Sagt der Schweizer zum Preußen: "San Zi scho mal in Züri xi?"
Der Preuße schaut den Schweizer nur verständnislos an.
Sagt der Schwabe: "Wissens,- der meint gewähä."

[Swisslady]

@ Maggie, wie gsehts bi öich us, hets wüescht ta letscht Nacht?